ହରଭଙ୍ଗା : ହରଭଙ୍ଗା ବ୍ଲକ କରଡି ସ୍ଥିତ ଶିବ ମନ୍ଦିର ପ୍ରାଙ୍ଗଣରେ ବୁଧବାର ବ୍ଲକସ୍ତରୀୟ ଲୋକ କଳା ଦିବସ ପାଳିତ ହୋଇଯାଇଛି। ହରଭଙ୍ଗା ବିଡିଓ ସ୍ୱପ୍ନିତା ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ତଥା ମନ୍ତ୍ରୀ ପ୍ରଦୀପ କୁମାର ଅମାତ ଯୋଗ ଦେଇଥିଲେ। ସମ୍ମାନୀତ ଅତିଥି ଭାବେ ବ୍ଲକ ଅଧ୍ୟକ୍ଷା ସ୍ନେହଲତା ପ୍ରଧାନ, ଉପାଧ୍ୟକ୍ଷ ସରୋଜ ପ୍ରଧାନ, ବିରନରସିଂପୁର ସରପଞ୍ଚ ଚନ୍ଦନା ବେହେରା, ସମିତି ସଭ୍ୟା କଲ୍ୟାଣି ଦଣ୍ଡସେନା, ନାଟ୍ୟ ନିର୍ଦେଶକ ଓ ଗାୟକ କାବୁ ବୋଷ ଯୋଗଦାନ କରିଥିଲେ। ବ୍ଲକର ବିଭିନ୍ନ ପଂଚାୟତରୁ ୨ଶହରୁ ଊର୍ଦ୍ଧ୍ବ କଳାକାର କାର୍ଯ୍ୟକ୍ରମରେ ଯୋଗଦାନ କରିଥିଲେ। କଳାକାରମାନଙ୍କ ବିଭିନ୍ନ ଦାବୀ ଏବଂ ସରକାର କଳାକାରମାନଙ୍କ ପ୍ରତି କରୁଥିବା ବିଭିନ୍ନ ଉନ୍ନତିମୂଳକ କାର୍ଯ୍ୟ ଉପରେ ଆଲୋଚନା ହୋଇଥିଲା।ଶେଷରେ ପାଲା ଗାୟକ ବାଞ୍ଛାନିଧି ପ୍ରଧାନ, ବିଣାକାର ସୁଦର୍ଶନ ସେଠୀ, ପାଲା ଗାୟକ ସତ୍ୟନାରାୟଣ ପ୍ରଧାନ ଏବଂ କୀର୍ତ୍ତନ ଗାୟକ ମନୋରଞ୍ଜନ ସାହୁଙ୍କୁ ଟ୍ରଫି ସହ ସାର୍ଟିଫିକେଟ ପ୍ରଦାନ କରାଯାଇଥିଲା। ଏଥିସହ ଅନ୍ୟ ସମସ୍ତ କଳାକାରମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା।
Comments are closed.