କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ଧାମୁଣିପାଙ୍ଗା ପଞ୍ଚାୟତ ଅଧିନସ୍ଥ ଅଡ଼ାବାଡ଼ି ଗ୍ରାମ ପଡ଼ିଆ ଠାରେ ବ୍ଲକ ସ୍ତରୀୟ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଏଥିରେ ଜଣାଶୁଣା କଳାକାର ସୁପ୍ରିତ୍ ସନ୍ତୋଷ ବଛା ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ଅଡ଼ାବାଡ଼ି ବାସିନ୍ଦା ତଥା ବିଜେପି ଯୁବ ନେତା ସୁରେନ୍ଦ୍ର କୌଶଲ୍ୟା ଉପସ୍ଥିତ ରହିଥିଲେ। ଆଜିର ଶେଷ ଦିନ ଖେଳରେ କାମଟଣା ଓ କଦମଦ୍ଵାର ସାହି ଦଳ ମଧ୍ୟରେ ଖେଳ ହୋଇଥିଲା । ଏଥିରେ କଦମଦ୍ଵାର ସାହି ଦଳ ବିଜୟୀ ହୋଇଛନ୍ତି।
ପ୍ରଥମେ ଟଚ୍ ଜିତି କାମଟଣା ଦଳ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଏହାପରେ କଦମଦ୍ଵାର ସାହି ଦଳ ୭ ଓଭରରେ ୪୪ ରନ୍ କରି ଅଲ୍ ଆଉଟ୍ ହୋଇ ଯାଇଥିଲେ। ଏହି ରନକୁ ପିଛା କରି କାମଟଣା ଟିମ୍ ୮ ଓଭର୍ ଚାଲିଥିବା ସମୟରେ ୨୯ ରନ୍ କରି ଅଲଆଉଟ୍ ହୋଇଯାଇଥିଲେ। ଫାଇନାଲ ଦିନ ଖେଳରେ ଏମ୍ପାୟାର ଭାବେ ଦିଲିପ୍ ଭାତ୍ରିଆ ଓ ସୁରତ୍ ହିଆଲ୍ ରହିଥିଲେ ।ଏହି ଟୁର୍ଣ୍ଣାମେଣ୍ଟରେ ବିଜେତା ଦଳକୁ ଟ୍ରଫି ସହ ୪୦୦୦ ଟଙ୍କା ଓ ପରାଜିତ ଦଳକୁ ଟ୍ରଫି ସହ ୩୦୦୦ ଟଙ୍କା ପ୍ରଦାନ କରାଯାଇଥିଲା।ଖେଳ ଦେଖିବାକୁ ଆଖପାଖ ଅଞ୍ଚଳରୁ ଅନେକ କ୍ରୀଡାପ୍ରେମୀଙ୍କ ବେଶ୍ ଭିଡ଼ ଜମିଥିଲା।
Comments are closed.