ମୁମ୍ବଇ : ଆଉ ନାହାନ୍ତି ଲୋକପ୍ରିୟ ଅଭିନେତା ନୀତେଶ ପାଣ୍ଡେ। ୫୦ ବର୍ଷ ବୟସରେ ହୃଦଘାତରେ ତାଙ୍କର ମୃତ୍ୟୁ ହୋଇଥିବା ନେଇ ଖବର ମିଳିଛି। ‘ଓମ୍ ଶାନ୍ତି ଓମ୍’, ‘ଅନୁପମା’ ଭଳି ଅନେକ ଚଳଚ୍ଚିତ୍ର ଓ ସିରିୟଲରେ ସେ ଅଭିନୟ କରିଛନ୍ତି। ବିଳମ୍ବିତ ରାତିରେ ହୃଦଘାତରେ ତାଙ୍କର ମୃତ୍ୟୁ ଖବର ଶୁଣି ବିଭିନ୍ନ ମହଲରେ ଶୋକର ଛାୟା ଖେଳି ଯାଇଛି। ଏକ ହୋଟେଲରୁ ତାଙ୍କର ମୃତଦେହ ଉଦ୍ଧାର ହୋଇଥିବା ବେଳେ ନାସିକ ନିକଟ ଇଗତପୁରୀରେ ସୁଟିଙ୍ଗ୍ ପାଇଁ ସେ ଆସିଥିଲେ ବୋଲି ଖବର ମିଳିଛି। ଟେଲିଭିଜନ ଓ ଚଳଚ୍ଚିତ୍ର ଜଗତରେ ନିଜର ଚମତ୍କାର ଅଭିନୟ ଦ୍ୱାରା ସେ ବେଶ ପ୍ରଶଂସା ସାଉଁଟିଛନ୍ତି।
ନିକଟରେ ସେ ଚର୍ଚ୍ଚିତ ଶୋ ‘ଅନୁପମା’ରେ ରୁପାଲି ଗାଙ୍ଗୁଲିଙ୍କ ବନ୍ଧୁ ଭୂମିକାରେ ଅଭିନୟ କରୁଥିଲେ।
ଅଭିନେତା ନୀତେଶ ପାଣ୍ଡେ ବଲିଉଡରେ ମଧ୍ୟ ନିଜର ଅଭିନୟ ପ୍ରଦର୍ଶନ କରିଛନ୍ତି। ୧୭ ଜାନୁଆରୀ ୧୯୭୩ ରେ ଜନ୍ମ ହୋଇଥିବା ନୀତେଶ ଟିଭି ଜଗତରେ ବେଶ ପରିଚିତ ଚେହେରା। ଅଭିନେତା ଫିଲ୍ମ ‘ଓମ୍ ଶାନ୍ତି ଓମ୍’ରେ ବଲିଉଡର କିଙ୍ଗ ଖାନଙ୍କ ସହ କାମ କରିଛନ୍ତି। ଅନୁପମା ଶୋ’ରେ ନୀତେଶଙ୍କ ଚରିତ୍ରକୁ ମଧ୍ୟ ଦର୍ଶକମାନେ ପ୍ରଶଂସା କରିଥିଲେ।
ଲୋକପ୍ରିୟ ଅଭିନେତା ନୀତେଶ ପାଣ୍ଡେଙ୍କ ପରଲୋକ
Popular Categories
Previous article
Next article