ନୂଆଦିଲ୍ଲୀ : ଭାରତୀୟ କୁସ୍ତି ମହାସଂଘର ସଭାପତି ବ୍ରିଜଭୂଷଣ ଶରଣ ସିଂହଙ୍କ ଗିରଫ ଦାବିରେ କୁସ୍ତିଯୋଦ୍ଧାମାନେ ଯନ୍ତରମନ୍ତରରେ ଚଳାଇଥିବା ଧାରଣା ଏଥିମଧ୍ୟରେ ୨୦ ଦିନରେ ପହଞ୍ଚିଛି। ବ୍ରିଜଭୂଷଣଙ୍କ ବିରୁଦ୍ଧରେ ତଦନ୍ତ ପ୍ରକ୍ରିୟା ଧିମା ହେଉଥିବାରୁ କୁସ୍ତିଯୋଦ୍ଧାମାନେ ଅସନ୍ତୋଷ ଜାହିର କରିବା ସହିତ ଗୁରୁବାର କଳାଦିବସ ପାଳନ କରିଛନ୍ତି। ବଜରଙ୍ଗ ପୁନିଆ, ସାକ୍ଷୀ ମଲିକ, ବିନେଶ ଫୋଗତ, ଜିତେନ୍ଦ୍ର ଖାନ୍ନାଙ୍କ ସହ ଅନ୍ୟ କୁସ୍ତିଯୋଦ୍ଧାମାନେ ମୁଣ୍ଡ, ହାତରେ କଳାପଟି ପିନ୍ଧି ଧାରଣା ଦେଇଥିଲେ।
ଯୌନ ଶୋଷଣ ଅଭିଯୋଗରେ ବ୍ରିଜଭୂଷଣଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଦିଲ୍ଲୀ ପୁଲିସ ମାମଲା ରୁଜୁ କରିଥିଲେ ମଧ୍ୟ ଏପଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା ଦୁଃଖଦାୟକ। ଏହାକୁ ବିରୋଧ କରି କଳାଦିବସ ପାଳନ କରାଯାଉଛି ବୋଲି ବଜରଙ୍ଗ କହିଛନ୍ତି। ସର୍ବୋଚ୍ଚ ନ୍ୟାୟାଳୟର ନିର୍ଦେଶ କ୍ରମେ ଅତିରିକ୍ତ ମୁଖ୍ୟ ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ (ଏସିଏମ୍ଏମ୍) ହରଜିତ ସିଂହଙ୍କ ପାଖରେ ଅଭିଯୋଗ କରାଯାଇଛି। ତୁରନ୍ତ ଡବ୍ଲ୍ୟୁଏଫ୍ଆଇ ସଭାପତିଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି। ଅନ୍ୟପକ୍ଷରେ ଦିଲ୍ଲୀ ପୁଲିସ ପକ୍ଷରୁ ସମସ୍ତ ୭ ଅଭିଯୋଗକାରୀଙ୍କ ବୟାନ ରେକର୍ଡ ପ୍ରକ୍ରିୟା ଶେଷ ହୋଇଛି। ଅଭିଯୋଗକାରୀ ୭ ମହିଳା କୁସ୍ତିଯୋଦ୍ଧାଙ୍କ ବୟାନକୁ ଦିଲ୍ଲୀ ପୁଲିସ ରେକର୍ଡ କରିଛି। ସେଥିମଧ୍ୟରେ ରହିଥିବା ନାବାଳିକାଙ୍କ ବୟାନ ସିଆରପିସିର ଧାରା ୧୬୪ ଅନୁଯାୟୀ ମାଜିଷ୍ଟ୍ରେଟ୍ଙ୍କ ନିକଟରେ ରେକର୍ଡ କରାଯାଇଛି। ଅନ୍ୟପକ୍ଷରେ ଦିଲ୍ଲୀ ଉଚ୍ଚ ନ୍ୟାୟାଳୟ ବୁଧବାର ଦିଲ୍ଲୀ ପୁଲିସକୁ ଯୌନ ନିର୍ଯାତନା ଅଭିଯୋଗରେ ମାମଲା ଦାୟର କରାଯାଇଥିବା ବ୍ରିଜଭୂଷଣ ଶରଣ ସିଂହଙ୍କ ସ୍ଥିତିପତ୍ର ଦାଖଲ କରିବାକୁ ନିର୍ଦେଶ ଦେଇଛନ୍ତି। ମେ ୧୨ରେ ଦିଲ୍ଲୀ ପୁଲିସ ସ୍ଥିତିପତ୍ର ଦାଖଲ କରିବା ପେର ମାମଲାର ଶୁଣାଣି ହେବ।
ସୂଚନାଯୋଗ୍ୟ, ଯୌନ ଶୋଷଣ ଅଭିଯୋଗରେ ବ୍ରିଜଭୂଷଣ ଶରଣ ସିଂହଙ୍କୁ ଗିରଫ କରିବା ନେଇ ବଜରଙ୍ଗ ପୁନିଆ, ସାକ୍ଷୀ ମଲ୍ଲିକ ଓ ବିନେଶ ଫୋଗତଙ୍କ ନେତୃତ୍ବରେ କୁସ୍ତିଯୋଦ୍ଧାମାନେ ଯନ୍ତରମନ୍ତରରେ ଗତ ୨୩ରୁ ଧାରଣାରେ ବସିଛନ୍ତି। ଯେପର୍ଯ୍ୟନ୍ତ ନ୍ୟାୟ ନମିଳିଛି ଓ ବ୍ରିଜଭୂଷଣ ଶରଣ ସିଂହ ଗିରଫ ନହୋଇଛନ୍ତି ସେପଯ୍ୟନ୍ତ ଧାରଣାରୁ ଉଠିବୁ ନାହିଁ ବୋଲି କୁସ୍ତିଯୋଦ୍ଧାମାନେ ଅଡି ବସିଛନ୍ତି। ଦିଲ୍ଲୀ ପୁଲିସ ଏପ୍ରିଲ ୨୮ରେ ବ୍ରିଜଭୂଷଣ ଶରଣ ସିଂହଙ୍କ ନାମରେ ଦୁଇଟି ମାମଲା ମଧ୍ୟ ରୁଜୁ କରିଛି।
କଳାଦିବସ ପାଳନ କଲେ ଧାରଣାରତ କୁସ୍ତିଯୋଦ୍ଧା
Popular Categories
Previous article
Next article