ହରଭଙ୍ଗା : ହରଭଙ୍ଗା ବ୍ଲକ ବାରିଙ୍ଗ ପ୍ରାଥମିକ ବିଦ୍ୟାଳୟ ପରିସରରେ ପିସଫୁଲ ସୋସାଇଟି ଆନୁକୁଲ୍ୟରେ ୧୦ଦିନ ଧରି ଚାଲିଥିବା ହଳଦୀ ପ୍ରକ୍ରିୟା କରଣ ତାଲିମ ଶିବିର ଉଦଯାପିତ ହୋଇଅଛି। ଉଦଯାପନୀ ଉତ୍ସବରେ ଅତିଥି ଭାବେ ବି.ଡି.ଏସ ତାପସ ଶଙ୍କର ରାଉତ, ସତ୍ୟ ସ୍ୱରୁପ ବିଦାନ୍ତ, ଅମର ମହାପାତ୍ର ଯୋଗ ଦେଇଥିଲେ। ବାରିଙ୍ଗ, ବଦଲା, ଗୋଛାସାହି ଗ୍ରାମରୁ ୩୦ଜଣ ସ୍ୱୟଂ ସହାୟକ ମହିଳାଙ୍କୁ ନେଇ ଅନୁଷ୍ଠିତ ତାଲିମ ଶିବିରରେ ହଳଦୀକୁ ପ୍ରକ୍ରିୟା କରଣକରି ଏହାର ସ୍ୱତନ୍ତ୍ର ପ୍ୟାକେଟ କରି ବଜାରରେ ବିକ୍ରୀ କରିବା ମହିଳାମାନଙ୍କୁ ରୋଜଗାରକ୍ଷମ କରିବା ଏହି କାର୍ଯ୍ୟକ୍ରମର ଅଭିମୁଖ୍ୟଥିଲା। ଧାନ ଫାଉଣ୍ଡେସର ହିମାଂଶୁ ମେହେର, ବସୁଧରା ଅନୁଷ୍ଠାନର ମନମୋହନ ବାରିକ ଉପସ୍ଥିତ ରହି ତାଲିମ ପ୍ରଦାନ କରିଥିଲେ।
Comments are closed.