ନୂଆଦିଲ୍ଲୀ: ଭାରତୀୟ ସିନେମା ଜଗତରେ ବହୁ ରେକର୍ଡ ସୃଷ୍ଟି କରିଥିବା ଏସ୍ ଏସ୍ ରାଜାମୌଲୀ ନିର୍ଦେଶିତ ଚଳଚ୍ଚିତ୍ର ବାହୁବଳୀ ପାକିସ୍ତାନରେ ପ୍ରଦର୍ଶିତ ହେବ। କରାଚିରେ ଅନୁଷ୍ଠିତ ହେବାକୁ ଥିବା ପାକିସ୍ତାନ ଆନ୍ତର୍ଜାତିକ ଚଳଚ୍ଚିତ୍ର ମହୋତ୍ସବରେ ବାହୁବଳୀ ପ୍ରଦର୍ଶିତ ହେବ। ଏ ନେଇ ରାଜାମୌଲି ଖୁସିବ୍ୟକ୍ତ କରିଛନ୍ତି। ମାର୍ଚ୍ଚ ୨୯ରୁ ଏପ୍ରିଲ ୧ ପର୍ଯ୍ୟନ୍ତ ୪ ଦିନ ବ୍ୟାପୀ ଏହି ଚଳଚ୍ଚିତ୍ର ମହୋତ୍ସବ ଚାଲିବ। ଏଥିରେ ପାକିସ୍ତାନ ସହ ବିଭିନ୍ନ ରାଷ୍ଟ୍ରର କ୍ଷୁଦ୍ର ଚଳଚ୍ଚିତ୍ର, ପ୍ରାମାଣିକ ଚଳଚ୍ଚିତ୍ର ଆଦି ପ୍ରଦର୍ଶିତ ହେବ। ସୂଚନାଯୋଗ୍ୟ, ବାହୁବଳୀ ପ୍ରଥମ ଭାଗ ଭଳି ଦ୍ୱିତୀୟ ଭାଗ ବାହୁବଳୀ -୨; ଦି କନକ୍ଲୁଜନ ମଧ୍ୟ ଜବରଦସ୍ତ ହିଟ୍ ସାବ୍ୟସ୍ତ ହୋଇଥିଲା। ଏଥିସହ ଏହି ଫିଲ୍ମ ପ୍ରଥମ ଭାରତୀୟ ଫିଲ୍ମ ଭାବେ ଆୟରେ ସବୁଠୁ ଆଗରେ ରହିଛି। ଏହି ଐତିହାସିକ ଚଳଚ୍ଚିତ୍ରରେ ତେଲୁଗୁ ଷ୍ଟାର ପ୍ରଭାସ, ରାଣା ଦଗୁବତି, ଅନୁଷ୍କା ସେଟ୍ଟି, ରାମ୍ୟା କ୍ରିଷ୍ଣନ୍ନ, ନସର ସତ୍ୟରାଜ, ତମନ୍ନା ଭାଟିଆ ପ୍ରମୁଖ ନଜର ଆସିଥିଲେ।
Popular Categories
Previous article
Next article