ପାଟଣା : ଟାଟା ପାୱାର ବିଦ୍ୟୁତ ବିଭାଗ ଟ୍ରାନ୍ସଫର୍ମର ନ ବସାଇବାରୁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି । ଏପରି ଦୃଶ୍ୟ କେନ୍ଦୁଝର ଜିଲ୍ଲା ପାଟଣା ଟାଟା ପାୱାର ବିଦ୍ୟୁତ କାର୍ଯ୍ୟାଳୟରେ ଦେଖିବାକୁ ମିଳିଛି । ସୂଚନାରୁ ପ୍ରକାଶ ପଲାଣିଘାଟି ପଞ୍ଚାୟତ ଅନ୍ତର୍ଗତ କୁମୁଳାବାହାଳି ଖଇରନ୍ଧା ସାହିରେ ଗୋଟିଏ ୨୫କେ.ଭି ଟ୍ରାନ୍ସଫର୍ମର ୩ଶହ ଘରକୁ ବିଦ୍ୟୁତ ଯୋଗାଉଛି। ଫଳରେ ଟ୍ରାନ୍ସଫାର୍ମରଟି କମ୍ ପରିମାଣ ବିଦ୍ୟୁତ ଦେଉଥିବାରୁ ଲୋ-ଭୋଲଟେଜ୍ ନେଇ ଗ୍ରାମବାସୀ ପାଟଣା ଟାଟା ପାୱାର ବିଦ୍ୟୁତ ବିଭାଗ କାର୍ଯ୍ୟାଳୟରେ ଏକ ନୂଆ ଟ୍ରାନ୍ସଫର୍ମର ବସାଇବାକୁ ଲିଖିତ ଆକାରରେ ପୂର୍ବରୁ ଅଭିଯୋଗ କରିଥିଲେ। ତେବେ ଟାଟା ପାୱାର ବିଦ୍ୟୁତ ବିଭାଗ ଏକମାସରୁ ଅଧିକ ସମୟ ହେବା ପରେ ମଧ୍ୟ କୌଣସି ପଦକ୍ଷେପ ନେଇ ନଥିବା ବେଳେ ପୁଣି ଆଜି କୁମୁଳାବାହାଳି ଖଇରନ୍ଧା ସାହିର ପୁରୁଷ ମହିଳା ମିଶି ଟାଟା ପାୱାର ବିଦ୍ୟୁତ କାର୍ଯ୍ୟାଳୟକୁ ଆସି ଆଉ ଏକ ଲିଖିତ ଅଭିଯୋଗ କରିଥିବା ଜଣାପଡିଛି । ଏନେଇ ପାଟଣା ଟାଟା ପାୱାର ଅଧିକାରୀ ଜ୍ୟୋତିରଞ୍ଜନ ମିଶ୍ରଙ୍କୁ ଯୋଗାଯୋଗ କରିବାରୁ ଏ ସଂପର୍କରେ ବୁଝି କହିବେ ବୋଲି ସୂଚନା ଦେଇଛନ୍ତି ।
Popular Categories
Previous article
Next article