ଚୌଦ୍ୱାର: ଚୌଦ୍ୱାର ଅଞ୍ଚଳରେ ଶତାଧିକ ବ୍ୟକ୍ତିଙ୍କ ମୃତଦେହ ସତ୍କାର କରି ଅଞ୍ଚଳ ବାସୀଙ୍କ ପ୍ରିୟପାତ୍ର ହୋଇଥିବା ସ୍ୱେଚ୍ଛାସେବକ ନୀର ପାତ୍ରଙ୍କର ୬୭ ବର୍ଷ ବୟସରେ ପରଲୋକ ହୋଇଯାଇଛି। ଓଟିଏମ କଲୋନୀ ୧୨ନଂ ୱାର୍ଡର ବାସିନ୍ଦା ନୀର ସବୁଦିନ ପରି ଶୁକ୍ରବାର ସ୍ଥାନୀୟ କଳମଝରୀ ପୋଖରିକୁ ଗାଧୋଇବାକୁ ଯାଇ ଦୀର୍ଘ ସମୟ ଧରି ଘରକୁ ଫେରି ନଥିଲେ। ପରିବାର ଲୋକେ ଖୋଜାଖୋଜି କରି ପୋଖରୀ କୁଳକୁ ଆସି ଜାଣିବାକୁ ପାଇଥିଲେଯେ ସ୍ଥାନୀୟ କିଛି ଲୋକ ତାଙ୍କୁ ଗୁରୁତର ଅବସ୍ଥାରେ ପୋଖରୀରୁ ଉଦ୍ଧାର କରି ଏକ ଘରୋଇ ଚିକିତ୍ସାଳୟକୁ ନେଇଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୋଖରୀରେ ଗାଧୋଉଥିବାବେଳେ ସେ ହଠାତ୍ ପାଣିରେ ବୁଡ଼ି ଯାଇଥିଲେ ବୋଲି ତାଙ୍କୁ ଉଦ୍ଧାର କରିଥିବା କିଛି ବ୍ୟକ୍ତି ସୂଚନା ଦେଇଥିଲେ । ନୀରଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳି ଯାଇଥିଲା। ନୀରଙ୍କ ମରଶରୀରକୁ ଏକ ଶୋଭାଯାତ୍ରାରେ ନିଆଯାଇ ସ୍ଥାନୀୟ ବଧୀ ଶ୍ମଶାନରେ ସତ୍କାର କରାଯାଇଥିଲା। ବଡପୁଅ ଅରକ୍ଷିତ ମୁଖାଗ୍ନି ଦେଇଥିଲେ।
Comments are closed.