ରାମନାଗୁଡା: ରାୟଗଡା ଜିଲା ରାମନଗୁଡା ବ୍ଲକ ଅନ୍ତର୍ଗତ ଭାମିନି ଠାରେ ଥିବା ଦ୍ବିତୀୟ ଆଇଆରବିଏନ ପୁଲିସ ଶିବିରରେ ୮୮ତମ ପୁଲିସ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଏଥିରେ ଦୁର୍ଗପତି ଦୀପକ କୁମାର ଦେହୁରୀଙ୍କ ପରେଡ଼ରେ ଅଭିବାଦନ ଗ୍ରହଣ କରିଥିବା ବେଳେ ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କ ପ୍ରେରିତ ବାର୍ତ୍ତାକୁ ପଠନ କରାଯାଇଥିଲା।
କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଗୁଣପୁର ଉପ ଜିଲାପାଳ ଲଳିତ ମୋହନ କହଁର ଯୋଗ ଦେଇଥିବା ବେଳେ ସମ୍ମାନୀୟ ଅତିଥି ଭାବେ ଗାନ୍ଧୀ ବିଶ୍ୱବିଦ୍ୟାଳୟର ନିର୍ଦେଶକ ଜଗଦୀଶ ପଣ୍ଡା, ଗୁଣପୁର ଉପଖଣ୍ଡ ଚିକିତ୍ସାଳୟ ଅଧ୍ୟକ୍ଷ ରମେଶ ସାହୁ ପ୍ରମୁଖ ଉପସ୍ଥିତ ଥିଲେ।
ଏହି ଅବସରରେ କର୍ତ୍ତବ୍ୟ ନିଷ୍ଠା ଓ ଉଲ୍ଲେଖନୀୟ ସେବା ପାଇଁ ଏସଆଇ ସୁଜିତ କୁମାର ସାହୁ, ଏଏସଆଇ ଦୀପକ କୁମାର ପରିଡା, କନେଷ୍ଟବଳ ଆମର କୁମାର ସାମଲ , ହାବିଲଦାର କ୍ଷେତ୍ର ମୋହନ ସାମଲଙ୍କୁ ମାନପତ୍ର ସହ ଆର୍ଥିକ ରାଶି ପ୍ରଦାନ କରାଯାଇଥିଲା। କାର୍ଯ୍ୟକ୍ରମକୁ ଆସିଷ୍ଟେଣ୍ଡ କମାଣ୍ଡାଣ୍ଟ ନିଳାମ୍ବର ପରିଡା ଓ ହାବିଲଦାର ସୁଜିତ କୁମାର ଦାସ ସହ ଅନ୍ୟ ପୁଲିସ କର୍ମଚାରୀମାନେ ପରିଚାଳନା କରିଥିଲେ।
Comments are closed.