ଟିଟିଲାଗଡ଼: ଓଡ଼ିଶା ଡ୍ରାଇଭର ମହାସଂଘ ରାଜ୍ୟ ନେତୃବୃନ୍ଦଙ୍କ ଆହ୍ୱାନରେ ଟିଟିଲାଗଡ଼ ଡ୍ରାଇଭର ସଂଘ ରାଜରାସ୍ତାକୁ ଓହ୍ଲାଇଛନ୍ତି। ଏନେଇ ଡ୍ରାଇଭରମାନେ ସହରର ଟିଟିଲାଗଡ଼ ବେଲଗାଁ ଜାତୀୟ ରାଜପଥ, ଟିଟିଲାଗଡ଼ କେସିଙ୍ଗା, ଟିଟିଲାଗଡ଼ ବଲାଙ୍ଗୀର ଏବଂ ଟିଟିଲାଗଡ଼ କଣ୍ଟାବାଞ୍ଜି ଖରିଆର ରାସ୍ତାର ବିଭିନ୍ନ ସ୍ଥାନରେ ରାସ୍ତା ଉପରେ ପିକେଟିଂ କରିଛନ୍ତି। ଫଳରେ ପରିବହନ ବ୍ୟବସ୍ଥା ସମ୍ପୂର୍ଣ୍ଣ ଠପ୍ ରହିଛି। କାଁଭାଁ କେଵଳ ସ୍କୁଲ ବସ୍ ଏବଂ ଆମ୍ବୁଲାନ୍ସ ଆଦି ଜରୁରୀ ଗାଡ଼ି ରାସ୍ତାରେ ଦୃଶ୍ୟମାନ ହେଉଛି। ନ୍ୟାୟୋଚିତ ଦାବିଗୁଡିକ ସରକାର ତୁରନ୍ତ ପୂରଣ କରିବାକୁ ସଂଘର ଟିଟିଲାଗଡ଼ ଶାଖା ସଭାପତି ସହଦେବ ସାହୁ କହିଛନ୍ତି। ସଂଘର ଉପସଭାପତି ନାକ ସାହୁ, ସମ୍ପାଦକ ହୃଷିକେଶ କଟା, ଯୁଗ୍ମ ସମ୍ପାଦକ ଅନୁପ ସାହୁ, କୋଷାଧ୍ୟକ୍ଷ ଠାକୁର ଛୁରା, ସଂଯୋଜକ ଡକ୍ଟର ଭୋଇ ପ୍ରମୁଖ ବହୁ ସଂଖ୍ୟାରେ ଡ୍ରାଇଭର ନିଜ ଯାନବାହାନ ଛାଡି ଆନ୍ଦୋଳନରେ ସାମିଲ ହୋଇଛନ୍ତି।
Comments are closed.