କଲମପୁର: ବରଗଡ ବରିଗୁମା ଜାତୀୟ ରାଜପଥ ୨୬ର କେସିଙ୍ଗା କଶୃପଡା ନିକଟରେ ସଡ଼କଏକ ଦୁର୍ଘଟଣାରେ ଜଣେ ବାଇକ ଚାଳକ ଗୁରୁତର ହୋଇଥିଲା। ତାଙ୍କୁ ଚିକିତ୍ସା ପାଇଁ କେସିଙ୍ଗା ଗୋଷ୍ଟୀ ସ୍ୱାସ୍ତ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ସୂଚନା ମିଳିଛି।
ସୂଚନା ଅନୁସାରେ କଲମପୁର ଥାନା ଅଧିନସ୍ଥ ଟେମରା ଗ୍ରାମର ଲିଙ୍ଗରାଜ ନାଏକ ନାମକ ଜନୈକ ଯୁବକ ଏକ ବାଇକ ଯୋଗେ ବରଗଡ ବରିଗୁମା ଜାତୀୟ ରାଜପଥ ୨୬ ଦେଇ ବଲାଙ୍ଗିର ପଟକୁ ଯାଉଥିଲେ। କିନ୍ତୁ କେସିଙ୍ଗା କଶୃପଡା ନିକଟରେ ଏକ ଟ୍ରାକ୍ଟରକୁ ପଛପଟୁ ଧକ୍କା ଦେଇ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଏହି ଦୁର୍ଘଟଣାରେ ବାଇକ ଚାଳକ ଲିଙ୍ଗରାଜ ଗୁରୁତର ହୋଇ ପଡିଥିଲେ। ତାଙ୍କୁ କେସିଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା।
ସେଠାରେ ଚିକିତ୍ସାଧୀନ ଅବସ୍ଥାରେ ଲିଙ୍ଗରାଜଙ୍କ ମୃତ୍ୟୁ ହୋଇଥବା ଡାକ୍ତର ସୂଚନା ଦେଇଛନ୍ତି। ଏନେଇ କେସିଙ୍ଗା ପୁଲିସ ଥାନାରେ ଏକ ଦୁର୍ଘଟଣା ଜନିତ ମାମଲା ରୁଜୁ ହୋଇଛି। ପୁଲିସ ମୃତଦେହକୁ ଜବତ ସହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତରିତ କରିଥିଲା।
Comments are closed.