ଆଠଗଡ: ଆଠଗଡ ସହରର ରାସରସିକପୁର ସାହିିର ଜଣେ ବ୍ୟକ୍ତି ପୋଖରୀରେ ବୁଡି ମୃତ୍ୟୁବରଣ କରିଥିବା ଜଣାପଡିଛି। ରାସରସିକପୁରର ୰ନିଧି ପ୍ରଧାନଙ୍କ ପୁଅ ଶିଶିର ପ୍ରଧାନ (୪୭) ସୋମବାର ନିକଟସ୍ଥ ଶାସନ ପୋଖରୀରେ ଗାଧୋଇବାକୁ ଯାଇଥିବାବେଳେ କୌଣସି କାରଣରୁ ପାଣିରେ ବୁଡି ଯାଇଥିଲେ।
ପରିବାର ଲୋକ ଦିନ ୨ଟା ପରେ ଖୋଜାଖୋଜି କରିବା ବେଳେ ପୋଖରୀ କୂଳରେ ତାଙ୍କର ଚପଲ ଓ ପୋଷାକ ରହିଥିବା ଦେଖି ପୋଖରୀରେ ବୁଡିଥିବା ସନ୍ଦେହ କରି ଦମକଳ ବାହିନୀକୁ ସୂଚନା ଦେଇଥିଲେ। ଦମକଳ ବାହିନୀ ଓ ସାହିର ଯୁବକମାନେ ପୋଖରୀରେ ବୁଡି ଖୋଜାଖୋଜି କରିବା ପରେ ତାଙ୍କୁ ଉଦ୍ଧାର କରି ଡାକ୍ତରଖାନା ନେଇଥିଲେ।
ଡାକ୍ତରଖାନାରେ ପରୀକ୍ଷାନିରୀକ୍ଷା ପରେ ଡାକ୍ତର ଶିଶିରଙ୍କୁ ମୃତ ଘୋଷଣା କରିଥିଲେ। ପୁଲିସ ମୃତଦେହ ଜବତ କରି ବ୍ୟବବଚ୍ଛେଦ କରାଇ ଏକ ଅପମୃତ୍ୟୁମାମଲା ରୁଜୁ କରିଥିବା ଜଣାପଡିଛି। ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ଶିଶିରଙ୍କର ପରିବାରକୁ ସରକାରୀ ସହାୟତା ପ୍ରଦାନ ପାଇଁ ଦାବି ହେଉଛି।
Comments are closed.