ସମ୍ବଲପୁର: ସମ୍ବଲପୁରର ଅଇଁଠାପାଲି ସ୍ଥିତ ଟାଟା ପାୱାରର ଅଧିକ୍ଷଣ ଯନ୍ତ୍ରୀଙ୍କ କାର୍ଯ୍ୟାଳୟରେ ୱେସକୋ ଏମ୍ଲୋଇଜ ଜଏନ୍ଟ ଫୋରମ (ଡବ୍ଲ୍ୟୁଇଜେଏଫ) ପକ୍ଷରୁ ଧାରଣା ପ୍ରଦର୍ଶନ କରାଯାଇଛି। ସମ୍ବଲପୁର, ବଗରଡ, ଝାରସୁଗୁଡା, ଦେବଗଡ଼ ଜିଲାର ବିଦ୍ୟୁତ ବିଭାଗରେ କାର୍ଯ୍ୟରତ ଯନ୍ତ୍ରୀ, କର୍ମଚାରୀ ମାନେ ମଙ୍ଗଳବାର ଏହି ଧାରଣା ପ୍ରଦର୍ଶନରେ ସାମିଲ ହୋଇଥିଲେ। ଡବ୍ଲ୍ୟୁଇଜେଏଫର ସମ୍ପାଦକ ଜଗନ୍ନାଥ ବାରିକ, ମାନସ ରାଉତ, ତୋମାଲ ମିଶ୍ର, ବିକ୍ରମ ସିଂ ଙ୍କ ସମେତ ଶତାଧିକ ସଦସ୍ୟ ସାମିଲ ହୋଇ ବିଦ୍ୟୁତ ବିଲ ଆଦାୟ ସମୟରେ ଯନ୍ତ୍ରୀ ଓ କର୍ମଚାରୀ ମାନେ ଯେଉଁ ଆକ୍ରମଣର ଶିକାର ହେଉଛନ୍ତି ତାହାର ପ୍ରତିବାଦ କରିଥିଲେ। ଏଥି ସହ ଟାଟା ପାୱାର ଅଧିକ୍ଷଣ ଯନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରି ଅଧିକାରୀ ଓ କର୍ମଚାରୀ ମାନଙ୍କୁ ସୁରକ୍ଷା ଦେବା ପାଇଁ ଦାବି କରିଥିଲେ।
Popular Categories
Previous article
Next article