ଲାଞ୍ଜିଗଡ : କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ବିଶ୍ବନାଥପୁର ଥାନା ଅନ୍ତର୍ଗତ ପୋଖରୀବନ୍ଧ ପଞ୍ଚାୟତ ବକଟପୁର ଗାଁ ନିକଟରେ ଗତ ରାତିରେ ଏକ ଅଜଣା ବୃଦ୍ଧଙ୍କ ମୃତଦେହ ପୁଲିସ ଉଦ୍ଧାର କରିଛି। ଆଜି ମୃତଦେହ ବ୍ୟବଚ୍ଛେଦ ପରେ ପୁଲିସ ଦ୍ବାରା ଶେଷକୃତ୍ୟ ସମ୍ପନ୍ନ ହୋଇଛି।
ସୂଚନା ଅନୁସାରେ ବୃଦ୍ଧ ଜଣକ ମାନସିକ ବିକୃତ ଥିବା ବେଳେ ସେ ଦୀର୍ଘ ଦିନ ହେଲା ଲାଞ୍ଜିଗଡ଼ ବ୍ଳକ ଅଞ୍ଚଳରେ ଗାଁ ଗାଁ ବୁଲି ଭିକ୍ଷାବୃତ୍ତି କରୁଥିଲା। ଗତରାତିରେ କୌଣସି କାରଣରୁ ତାଙ୍କର ମୃତ୍ୟୁ ହୋଇଥିଲା। ଖବର ପାଇ ବିଶ୍ୱନାଥପୁର ଥାନା ଅଧିକାରୀ ମମତା ହେମ୍ବ୍ରମ ନିଜ ପୁଲିସ ଟିମ ସହ ଘଟଣାସ୍ଥଳକୁ ଯାଇ ମୃତଦେହ ଉଦ୍ଧାର କରିଥିଲେ।
ଆଜି ମାଜିଷ୍ଟ୍ରେଟ ତଥା ଲାଞ୍ଜିଗଡ ତହସିଲଦାର ମୁନୀନ୍ଦ୍ର ହୋନ୍ନାଙ୍ଗାଙ୍କ ଉପସ୍ଥିତରେ ମୃତଦେହ ବ୍ୟବଛେଦ କରାଯାଇଥିଲା। ମୃତଦେହ ବ୍ୟବଛେଦ ପରେ ବୃଦ୍ଧର ସମ୍ପର୍କୀୟ କେହି ନ ଥିବାରୁ ବିଶ୍ୱନାଥପୁର ପୁଲିସ ଦ୍ବାରା ସତ୍କାର କରାଯାଇଥିଲା।
Comments are closed.