ଫୁଲବାଣୀ: ଶୁକ୍ରବାର ସଦର ଥାନା ନିକଟରେ ଫୁଲବାଣୀ ବ୍ରହ୍ମପୁର ୧୫୭ ଜାତୀୟ ରାଜପଥ ଉପରେ ଗୋଟିଏ ଆମ୍ବ ଗଛ ଭାଙ୍ଗି ଯାଇ ରାସ୍ତା ଉପରେ ଯାଉଥିବା ବାଇକ ଆରୋହି ଉପରେ ମାଡି ବସିଲା ଫଳରେ ଜଣେ ବାଇକ ଆରୋହି ଗୁରୁତର ଆହତ ହୋଇ ଥିବା ବେଳେ ଅନ୍ୟ ଜଣେ ସାମାନ୍ୟ ଆହତ ହୋଇଥିଲେ ଏବଂ ଗଛ ପଡ଼ି ଫୁଲବାଣୀ ବ୍ରହ୍ମପୁର ୧୫୭ ଜାତୀୟ ରାଜପଥ ଅବରୋଧ ହୋଇଥିଲା। ତାଙ୍କୁ ସଦର ପୁଲିସ ଉଦ୍ଧାର କରି ଗୋଟିଏ ଆଟୋ ଯୋଗେ ଜିଲା ମୁଖ୍ୟ ଚିକିତ୍ସାଳୟ ପଠେଇ ଥିବା ବେଳେ ଅଧା ବାଟରୁ ୧୦୮ ଆମ୍ବୁଲାନ୍ସ ଯୋଗେ ଆଣି ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା।
ଗୁରୁତର ଆହତ ହୋଇଥିବା ବ୍ୟକ୍ତି ଜଣକ ହେଲେ ନୟାଗଡ଼ ଜିଲ୍ଲା ଅନ୍ତର୍ଗତ ଓଡ଼ଗାଁ ଅଞ୍ଚଳର ବିମଳ ପଟ୍ଟନାୟକ ଓ ସାମାନ୍ୟ ଆହତ ହୋଇ ଥିବା ବ୍ୟକ୍ତି ହେଲେ ଭୁବନେଶ୍ୱର ମନନ କୁମାର ଦାସ। ସେମାନେ କୌଣସି କାମରେ ଟିକାବାଲି ଯାଇ ଫେରୁଥିଲେ। ଫୁଲବାଣୀ ଅଗ୍ନିଶମ ବିଭାଗର ହାବିଲଦାର ଚନ୍ଦ୍ର ଶେଖରମ ନାୟକ, ପ୍ରଦ୍ୟୁମ୍ନ ଜେନା, ଚିତ୍ତ ଗୌଡ଼, ଦିଲ୍ଲୀପ କୁମାର ସେଠୀ, ଶିବ ପ୍ରଧାନ ପ୍ରମୁଖ ଘଟଣା ସ୍ଥଳରେ ପହଞ୍ଚି ଗଛ କାଟି ରାସ୍ତା ଅବରୋଧ ହଟେଇ ଥିଲେ।
Comments are closed.