ନୂଆଦିଲ୍ଲୀ: ଦ୍ବିତୀୟ ଟେଷ୍ଟର ପ୍ରଥମ ଇନିଂସରେ ଅଷ୍ଟ୍ରେଲିଆ ୨୬୩ରେ ଅଲଆଉଟ ହୋଇଛି। ଅଷ୍ଟ୍ରେଲିଆର ଓପନର ଖାୱଜାଙ୍କ ୮୧ ରନ ଓ ହ୍ୟାଣ୍ଡସକମ୍ବଙ୍କ ଅପରାଜିତ ୭୨ରନ ବଳରେ ଅଷ୍ଟ୍ରେଲିୟା ୨୬୩ରନ କରିବାରେ ସଫଳ ହୋଇଛି।
ଦ୍ବିତୀୟ ଟେଷ୍ଟରେ ଭାରତର ବୋଲର ସାମିଙ୍କୁ ସର୍ବାଧିକ ୪ ୱିକେଟ ମିଳିଥିବାବେଳେ ଅଶ୍ବିନ ଓ ଜାଡେଜାଙ୍କୁ ୩ ଲେଖାଏଁ ୱିକେଟ।
ନୂଆଦିଲ୍ଲୀର ଅରୁଣ ଜେଟଲି ଷ୍ଟାଡିୟମଠାରେ ଚାଲିଥିବା ଭାରତ-ଅଷ୍ଟ୍ରେଲିଆ ଦ୍ବିତୀୟ ଟେଷ୍ଟରେ ଅଷ୍ଟ୍ରେଲିଆ ନିଜର ପ୍ରଥମ ଇନିଂସରେ ୨୬୩ ରନ କରି ଅଲଆଉଟ ହୋଇଯାଇଛି । ଆଜିର ଏହି ମ୍ୟାଚରେ ଅଷ୍ଟ୍ରେଲିଆ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା।
ଦଳର ଦୁଇ ଓପନର ଡେଭିଡ୍ ୱାର୍ଣ୍ଣର ଓ ଉସମାନ ଖାୱଜା ଭଲ ଆରମ୍ଭ କରିଥିଲେ । ତେବେ ୱାର୍ଣ୍ଣର ମାତ୍ର ୧୫ ରନରେଆଉଟ ହୋଇଯାଇଥିବାବେଳେ ଖାୱଜା ୮୧ ରନ କରିଥିଲେ। ଅପରପକ୍ଷରେ ପିଟର ହାଣ୍ଡସକମ୍ବ ଓ ପାଟ କମିନ୍ସ ଲଢୁଆ ବ୍ୟାଟିଂ କରି ସ୍କୋରକୁ ଆଗେଇନେଇଥିଲେ। ହାଣ୍ଡସକମ୍ବଙ୍କ ଅପରାଜିତ ୭୨ ଓ କମିନ୍ସ ୩୩ ରନ କରିଥିଲେ। ଫଳରେ ଦଳ ୨୬୩ ପର୍ଯ୍ୟନ୍ତ ପହଞ୍ଚିପାରିଥିଲା ।
Comments are closed.