ନୈନିତାଲ୍ : ନୈନିତାଲ ଜିଲା ରାମନଗରରେ ଥିବା ଜିମ୍ କୋର୍ବେଟ୍ ଜାତୀୟ ଉଦ୍ୟାନରୁ ଏକ ମହାବଳ ବାଘ ବାହାରି ଆସି ନିକଟସ୍ଥ ମାରଚୁଲା ବଜାରରେ ବୁଲୁଥିବା ଦେଖିବାକୁ ମିଳିଥିଲା। ରାତି ୯ଟାରେ ବାଘ ବଜାରରେ ବୁଲୁଥିବାରୁ ସ୍ଥାନୀୟ ଅଞ୍ଚଳରେ କୋକୁଆ ଭୟ ଖେଳି ଯାଇଥିଲା।
ଖବର ପାଇ ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବାଘକୁ ଘଉଡ଼ାଇବାକୁ ୯ଥର ଫାଙ୍କା ଗୁଳିଚାଳନା କରିଥିଲେ। ତେବେ ବାଘଟି ଏଥିରେ ଭୟଭୀତ ନ ହେବାରୁ ବନ ବିଭାଗର ଜଣେ ଅଧିକାରୀ ଭୂମିକୁ ଲକ୍ଷ୍ୟ କରି ଦୁଇଟି ଗୁଳି ଚଳାଇଥିଲେ। ଗୋଟିଏ ଗୁଳିର ଭୂମିରେ ମାଡ଼ ହୋଇ ନିକଟରେ ଥିବା ବାଘ ଦେହରେ ପଶି ଯାଇଥିଲା। ଗୁରୁତର ଅବସ୍ଥାରେ ବାଘକୁ ନିକଟରେ ଥିବା ପଶୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ପାକସ୍ଥଳୀରେ ଅତ୍ୟଧିକ ରକ୍ତସ୍ରାବ ଯୋଗୁଁ ବାଘର ପ୍ରାଣ ଯାଇଥିଲା। ସେହି ମହାବଳ ବାଘଟିକୁ ପୂର୍ବରୁ ମାଚରୁଲା ବଜାରରେ ୨/୩ଥର ଦେଖିବାକୁ ମିଳିଥିଲା ବୋଲି ବନ ବିଭାଗ ତରଫରୁ ସୂଚନା ଦିଆଯାଇଛି।
