ଗୁରୁଡିଝାଟିଆ : ଜନଜାତି ବହୁଳ ରାଜବଲ୍ଲଭପୁର ଉଚ୍ଚ ପ୍ରାଥମିକ ବିଦ୍ୟାଳୟର ବିଦ୍ୟାର୍ଥୀମାନଙ୍କ ପାଇଁ ଆଠଗଡ ବିକାଶ ମଞ୍ଚ ପକ୍ଷରୁ ସଭାପତି ମାନସ ବସ୍ତିଆ ସ୍ୱଚ୍ଛତା ଉପକରଣ ବଣ୍ଟନ କରିଛନ୍ତି। ଶ୍ରୀ ବସ୍ତିଆ ଉପସ୍ଥିତ ବିଦ୍ୟାର୍ଥୀଙ୍କୁ କହିଥିଲେ ସ୍ୱଚ୍ଛତା ମନ ଓ ପରିବେଶରେ ରହିଲେ ଜୀବନ ସରସତାରେ ଭରି ଉଠେ। ପରିବେଶ ଆମକୁ କଳାତ୍ମକ ଢଙ୍ଗରେ ଜୀଇଁବାର ରହା ଶିଖାଇଥାଏ । ସେଥିପାଇଁ ଜାତିର ଜନକ ମହାତ୍ମାଗାନ୍ଧୀ ସ୍ୱଚ୍ଛତାକୁ ଜୀବନରେ ସର୍ବାଧିକ ଗୁରୁତ୍ୱ ଦେଉଥିଲେ ବୋଲି ଶ୍ରୀ ବସ୍ତିଆ କହିଥିଲେ। ପ୍ରତ୍ୟେକ ଶ୍ରେଣୀର ବିଦ୍ୟାର୍ଥୀଙ୍କୁ ବିଦ୍ୟାଳୟ ଆବର୍ଜନା ପକାଇବା ପାଇଁ ଉପକରଣ (ଡଷ୍ଟବିନ) ବଣ୍ଟନ କରିଥିଲେ। ବିଦ୍ୟାଳୟର ପ୍ରଧାନ ଶିକ୍ଷକ ସମରେନ୍ଦ୍ର ବିଶ୍ୱାଳ, ଶିକ୍ଷୟିତ୍ରୀ ସଂଘମିତ୍ରା ପ୍ରଧାନ ଓ ଲକ୍ଷ୍ମୀଧର ସାହୁ ପ୍ରମୁଖ ବିକାଶ ମଞ୍ଚର ଏଭଳି କାର୍ଯ୍ୟକ୍ରମକୁ ସାଧୁବାଦ ଜଣାଇଥିଲେ ।
Comments are closed.