କାମାକ୍ଷାନଗର: କାମାକ୍ଷାନଗର ଉପଖଣ୍ଡ କଙ୍କଡ଼ାହାଡ଼ ଥାନା ଅନ୍ତର୍ଗତ ଖଜୁରୀଆ ଗ୍ରାମର ପାତ୍ର ସାହିରେ ଗତ ଦୁଇ ତାରିଖ ସନ୍ଧ୍ୟାରେ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଥିଲା । ଏକ ମେଳା ଚାଲୁଥିବା ସମୟରେ ମାନସ ନାଏକ ନାମକ ଯୁବକ ପୂର୍ବ ଶତ୍ରୁତାକୁ କେନ୍ଦ୍ର କରି ଏକ ପନିକି ସାହାଯ୍ୟରେ ସେହି ପାତ୍ର ସାହିର ବୁଦ୍ଧିଆ ପାତ୍ରକୁ ଜୀବନରୁ ମାରିଦେବା ଉଦ୍ୟମ କରିଥିଲେ । ପନିକିରେ ବୁଦ୍ଧିଆଙ୍କୁ ଆକ୍ରମଣ କରି ମୁଣ୍ଡ, ବେକ, ହାତ ଓ ପିଠିକୁ ହାଣି ଦେଇଥିବା ଅଭିଯୋଗ ହୋଇଛି । ଏ ବାବଦରେ ଗତ ତିନି ତାରିଖରେ କଙ୍କଡ଼ାହାଡ଼ ଥାନାରେ ଏକ ମାମଲା ରୁଜୁ ହୋଇଥିଲେ ମଧ୍ୟ ପୋଲିସ ଅଭିଯୁକ୍ତକୁ ନ ଧରି ଏହାକୁ ଏକ ଗାଡ଼ି ଦୁର୍ଘଟଣାର ରୂପ ଦେଇ ଘଟଣାକୁ ଚପାଇ ଦେବାକୁ ପ୍ରୟାସ କରୁଛି । ଆକ୍ରମଣ ଶିକାର ହୋଇଥିବା ବୁଦ୍ଧିଆ ଜଣେ ଗରିବ ହୋଇଥିବାରୁ ଚିକିତ୍ସା ପାଇଁ ଏବେ ଟଙ୍କା ଅଭାବରୁ ଠିକରେ ଚିକିତ୍ସା ହୋଇ ପାରୁନାହିଁ । ଏପଟେ ଅଭିଯୁକ୍ତକୁ ପୁଲିସ ଗିରଫ କରିନଥିବା ଜଣାପଡ଼ିଛି ।
Comments are closed.