ଲାଞ୍ଜିଗଡ: ଅନୁଗୁଳ ଜିଲ୍ଲା ତାଳଚେରର ଡିଏଭି କଳିଙ୍ଗ ପବ୍ଲିକ ସ୍କୁଲ ଠାରେ ଦୁଇ ଦିନ ଧରି ଡିଏଭି ରାଜ୍ୟ ସ୍ତରୀୟ ତିରନ୍ଦାଜ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଡିଏଭି ବେଦାନ୍ତ ପବ୍ଲିକ ସ୍କୁଲର ୬ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରରୁ ବାଳକ ବିଭାଗରେ କ୍ଷୀରୋଦ କୁମାର ସ୍ୱର୍ଣ୍ଣ ପଦକ ହାସଲ କରିଥିବା ବେଳେ, ଓମ୍ ପ୍ରକାଶ ମାଝୀ ରୌପ୍ୟ ଓ ରାଜୀବ ପାତ୍ର କାଂସ୍ୟ ପଦକ ହାସଲ କରିଛନ୍ତି। ସେହିପରି ବାଳିକା ବିଭାଗରେ କଳ୍ପିତା ପ୍ରଧାନ ସ୍ୱର୍ଣ୍ଣ ଓ ସଙ୍ଗୀତା ମାଝୀ ରୋପ୍ୟ ପଦକ ହାସଲ କରିଥିଲେ। ଲାଞ୍ଜିଗଡ଼ ଡିଏଭି ବେଦାନ୍ତ ଇଣ୍ଟରନେସନାଲ ସ୍କୁଲର ଅଧକ୍ଷ ସଦାନନ୍ଦ ହୋତାଙ୍କ ନେତୃତ୍ୱରେ ଏହି ଖେଳାଳିମାନେ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଲାଞ୍ଜିଗଡ଼ ଡିଏଭି ବେଦାନ୍ତ ଇଣ୍ଟରନେସନାଲ ସ୍କୁଲର ଖେଳ ଶିକ୍ଷକ ଦୁଷ୍ମନ୍ତ ମାଝୀ ଓ ତିରନ୍ଦାଜ କୋଚ୍ ସୀମାଞ୍ଚଳ କାଟ୍ରାକା ଏହି ପ୍ରତିଯୋଗିତାରେ ଖେଳାଳିମାନଙ୍କୁ ସାହାଯ୍ୟ କରିଥିଲେ । ଏହି ଖେଳାଳିମାନେ ଜିଲ୍ଲା ପାଇଁ ଗୌରବ ଆଣିଥିବା ଯୋଗୁଁ ବିଭିନ୍ନ ମହଲରେ ଖୁସିର ଲହରୀ ଖେଳିଯାଇଛି ।
Comments are closed.