ଆଠଗଡ : ଉତ୍କଳ ବିଶ୍ୱବିଦ୍ୟାଳୟ ଆନୁକୁଲ୍ୟରେ ନିକଟରେ ଆୟୋଜନ ହେବାକୁ ଥିବା ଆନ୍ତଃକଲେଜ ଖୋ-ଖୋ ପ୍ରତିଯୋଗିତା ଲାଗି ଖେଳାଳି ଚୟନ ଶିବିର ଗୋପବନ୍ଧୁ ବିଜ୍ଞାନ କଲେଜ ଖେଳପଡିଆରେ ଅନୁଷ୍ଠିତ ହୋଇଯାଇଛି । କଲେଜର ଅଧ୍ୟକ୍ଷ ଡଃ ଲୋକନାଥ ସାହୁ ମୁଖ୍ୟଅତିଥି ଭାବେ ଏହି ଶିବିରକୁ ଉଦ୍ଘାଟନ କରି ଖେଳାଳିମାନଙ୍କୁ ଉତ୍ସାହିତ କରିଥିଲେ । ଏଥିରେ ଆଠଗଡ ଖୋ-ଖୋ ଆସୋସିଏସନର ଲକ୍ଷ୍ମୀନାରାୟଣ ଭଞ୍ଜ, ଉତ୍କଳ ବିଶ୍ୱବିଦ୍ୟାଳୟ କ୍ରୀଡା ପରିଷଦର ଉପ ସଭାପତି ସଚ୍ଚିଦାନନ୍ଦ ଜେନା ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଅଭିଜ୍ଞ ଖୋ-ଖୋ ଖେଳାଳି ମନୋରଞ୍ଜନ ଦାସ, ବିକ୍ରମ ବିକାଶ ରାୟ ସାମନ୍ତ, ଅଭିନନ୍ଦନ ପଟ୍ଟନାୟକ ଓ ରାଜେନ୍ଦ୍ର କୁମାର ଦାସ ପ୍ରମୁଖ ଯୋଗଦେଇ ଖେଳାଳି ଚୟନ ପ୍ରକ୍ରିୟାରେ ସାମିଲ ହୋଇଥିଲେ । ଆସନ୍ତା ଡିସେମ୍ବର ମାସରେ ଗୋପବନ୍ଧୁ ବିଜ୍ଞାନ କଲେଜରେ ଆୟୋଜିତ ହେବାକୁ ଥିବା ଆନ୍ତଃକଲେଜ ଖୋ-ଖୋ ପ୍ରତିଯୋଗିତାରେ ଭାଗନେବା ପାଇଁ ଗୋପବନ୍ଧୁ ବିଜ୍ଞାନ କଲେଜର ୨୦ଜଣ ଖେଳାଳିଙ୍କୁ ଚୟନ କରାଯାଇଛି।
Comments are closed.