ଭୁବନେଶ୍ବର : ହାଇ ସିକ୍ୟୁରିଟି ନମ୍ବର ପ୍ଲେଟ୍ ରେଜିଷ୍ଟ୍ରେସନ୍ ଅବଧିକୁ ଆଉ ମାସେ ପାଇଁ ବୃଦ୍ଧି କରାଯାଇଛି । ରାଜ୍ୟ ପରିବହନ ବିଭାଗ ଏହି ସମୟ ବୃଦ୍ଧି ନିଷ୍ପତ୍ତି ନେଇଛି । ଦ୍ବିତୀୟ ଥର ପାଇଁ ପରିବହନ ବିଭାଗ ଏହି ଅବଧି ବୃଦ୍ଧି କରିଛି । ଫଳରେ ୨୦୨୩ ଫେବୃଆରୀ ୨୮ ପର୍ଯ୍ୟନ୍ତ ରେଜିଷ୍ଟ୍ରେସନ୍ ଅବଧି ବୃଦ୍ଧି ପାଇଛି ।
ଗାଡି ନମ୍ବରର ଶେଷ ଅଙ୍କ ୧, ୨, ୩, ୪ ଥିଲେ ନଭେମ୍ବର ୩୦ତାରିଖକୁ ରେଜିଷ୍ଟ୍ରେସନର ଶେଷ ସମୟ ଧାର୍ଯ୍ୟ କରାଯାଇଛି । ସେହିପରି ୫, ୬ ଥିଲେ ଡିସେମ୍ବର ୩୧ ପର୍ଯ୍ୟନ୍ତ ପଞ୍ଜିକରଣ ସମୟ ରହିଛି । ଗାଡି ନମ୍ବରର ଶେଷ ଅଙ୍କ ୭, ୮ ଥିଲେ ଜାନୁଆରୀ ୩୧ ଶେଷ ତାରିଖ ଓ ଶେଷ ଅଙ୍କ ଶୂନ କିମ୍ବା ୯ ଥିଲେ, ଫେବୃଆରୀ ୨୮ ତାରିଖକୁ ଶେଷ ସମୟ ଭାବେ ଧାର୍ଯ୍ୟ କରାଯାଇଛି ।
ତେବେ ହାଇକୋର୍ଟଙ୍କ ହସ୍ତକ୍ଷେପ ପରେ ପୂର୍ବରୁ ମଧ୍ୟ ଥରେ ହାଇସିକ୍ୟୁରିଟି ନମ୍ବର ପ୍ଲେଟ୍ ପଞ୍ଜିକରଣ ଅବଧି ବଢ଼ିଥିଲା। ଉପଯୁକ୍ତ ଭିତ୍ତିଭୂମି ନ ଥାଇ ହାଇ ସିକ୍ୟୁରିଟି ନମ୍ବର ପ୍ଲେଟ୍ ରେଜିଷ୍ଟ୍ରେସନ୍ ପାଇଁ ଲୋକଙ୍କୁ ବାଧ୍ୟ କରାଯାଉଛି । ଅନ୍ ଲାଇନରେ ବୁକିଂ କଲେ ସ୍ଲଟ ମିଳୁ ନାହିଁ । ତେଣୁ ଗାଡି ମାଲିକଙ୍କ ସ୍ବାର୍ଥକୁ ଦୃଷ୍ଟିରେ ରଖି ଏଭଳି ସମୟ ବୃଦ୍ଧି କରାଯାଇଛି।
Comments are closed.