କୁଆଁପାଳ: କଟକ ଜିଲ୍ଲା ମାହାଙ୍ଗା ବ୍ଲକ୍ ଭେଡା ପଞ୍ଚାୟତ ଦେଇ ଯାଇଥିବା ପଟ୍ଟାମୁଣ୍ଡାଇ କେନାଲ ବନ୍ଧ ତ୍ରିବେଣୀଶ୍ୱର ବଜାର ନିକଟରେ ଘାଇ ସୃଷ୍ଟି ହୋଇଛି । କୁଆଁପାଳ-ଗୋପିନାଥପୁର ପୂର୍ତ୍ତ ରାସ୍ତାରେ ୧୦୦ଫୁଟ ଲମ୍ବର ଘାଇ ସୃଷ୍ଟି ହୋଇଥିବା ଜଣାପଡ଼ିଛି । ବିଳମ୍ବିତ ରାତିରେ ଘାଇ ହୋଇଥିବା ବେଳେ, ଏଥିରେ ବହୁ ଦୋକାନ ଘର ଭାସିଯାଇଛି । ଘାଇ ହେବାପରେ କେନାଲ ପାଣି ବିରୂପା ନଦୀକୁ ପ୍ରବାହିତ ହେଉଛି । ଯାହାଫଳରେ ତ୍ରିବେଣୀଶ୍ୱର ଠାରୁ ପଟ୍ଟାମୁଣ୍ଡାଇ ଯାଏଁ କେନାଲ ପାଣି ସମ୍ପୂର୍ଣ୍ଣ ବନ୍ଦ ହୋଇଯାଇଛି । ଭରା କେନାଲ ପାଣି ସ୍ରୋତରେ ୬ଟି ଦୋକାନ ଗୃହ ଭାସିଯିବା ସହ ଢଳାଇ ରାସ୍ତା ଏବେ ଧାସେଇବା ଆରମ୍ଭ ହୋଇଛି । ଏପରିକି ବଡ଼ ବଡ଼ ଅତଡ଼ା ଖସିବା ଦ୍ଵାରା ବଜାର ପ୍ରତି ବିପଦ ସୃଷ୍ଟି ହୋଇଛି । ଏହି କେନାଲଟି ନୃତାଙ୍ଗ ଜଳସମ୍ପଦ ସହକାରୀ ନିର୍ବାହୀ ଯନ୍ତ୍ରୀଙ୍କ ଅଧୀନରେ ରହିଛି, ତେବେ ଏଯାଏଁ ନୃତାଂଗ ଜଳସମ୍ପଦ ଯନ୍ତ୍ରୀ ଘାଇ ସ୍ଥଳରେ ପହଞ୍ଚିନଥିବାରୁ ସାଧାରଣରେ ଅସନ୍ତୋଷ ଦେଖାଦେଇଛି ।
Popular Categories
Previous article
Next article