ଜି. ଉଦୟଗିରି : କନ୍ଧମାଳ ଜିଲ୍ଲାପାଳ ଆଶିଷ ଈଶ୍ୱର ପାଟିଲ ଅଚାନକ ମଙ୍ଗଳବାର ଜି. ଉଦୟଗିରି ବ୍ଲକ ଅନ୍ତର୍ଗତ ମାଲିକାପଦି ପଞ୍ଚାୟତ ସ୍ଥିତ କାଲିଗାଡୁ ହିଲ୍ ଟପ୍ ପରିଦର୍ଶନ କରିଥିଲେ। ଯଥା ଶୀଘ୍ର କାଲିଗାଡୁ ହିଲ୍ ଟପର ଉନ୍ନତି କରଣ ପାଇଁ ଗୋଷ୍ଠୀ ଉନ୍ନୟନ ଅଧିକାରୀ ଆଶିଷ କୁମାର ତ୍ରିପାଠୀଙ୍କ ସହ ଆଲୋଚନା କରିଛନ୍ତି। ଏହାକୁ ପର୍ଯ୍ୟଟନ ସ୍ଥଳର ମାନ୍ୟତା, ପାହାଡ ଉପରେ ମିଶନ ଦୋକାନ ଗୃହ, ଯାତ୍ରା ପାର୍କିଂ ପାଇଁ ବିଜ୍ଞପ୍ତି ଓ ବେରିକେଟ ବ୍ୟବସ୍ଥା କରିବା ପାଇଁ ପରାମର୍ଶ ଦେଇଥିଲେ। ସେହିପରି ଦିତୀୟ ପର୍ଯ୍ୟାୟ ସ୍ମାଟ ବିଦ୍ୟାଳୟ ଆରସ୍ମିନି ବିଦ୍ୟାଳୟ ପରିଦର୍ଶନ କରି ସେଠାରେ ଏକ ଖୋଲା ଜିମ୍ ପାଇଁ ଯାଗା ଚୟନ କରିବା ସହ ସେଠାକାର ବଗିଚା ପାଇଁ ପ୍ରଧାନ ଶିକ୍ଷକଙ୍କ ଉପରେ ଖୁସି ବ୍ୟକ୍ତ କରିଥିଲେ। ଗୋଷ୍ଠୀ ଉନ୍ନୟନ ଅଧିକାରୀ ଆଶିଷ କୁମାର ତ୍ରିପାଠୀ, ବନାଞ୍ଚଳ ଅଧିକାରୀ ମୀନାକ୍ଷୀ କୁମୁରା, ଅତିରିକ୍ତ ତହସିଲଦାର ଭଞ୍ଜନ କହଁର, କନିଷ୍ଠ ଯନ୍ତ୍ରୀ ମୋନଜ ସାହୁ ଓ ଚିତ୍ତରଞ୍ଜନ ଦିକ୍ଷୀତି ପ୍ରମୁଖ ଉପସ୍ଥିତ ଥିଲେ।
Comments are closed.