ବୌଦ୍ଧ: ବୌଦ୍ଧ ଜିଲ୍ଲା ୫୭ ନମ୍ବର ଜାତୀୟ ରାଜପଥ ଖୁଣ୍ଟବନ୍ଧ ଛକ ନିକଟରେ ଏକ ଗାଡି ଉପରେ ବୌଦ୍ଧ ପୁଲିସ ଚଢାଉ କରି ୨୫ କିଲୋ ଗଞ୍ଜେଇ ଜବତ କରିଥିବା ବେଳେ ଜଣକୁ ଗିରଫ କରିଛି । ସୂଚନା ଅନୁଯାୟୀ, ୫୭ ନମ୍ବର ଜାତୀୟ ରାଜପଥରେ ଗଞ୍ଜେଇ ଚାଲାଣ କରାଯାଉଥିବା ନେଇ ବୌଦ୍ଧ ପୁଲିସ ବିଶେଷ ସୁତ୍ରରୁ ଖବର ପାଇଥିଲା । ପରେ ଖୁଣ୍ଟବନ୍ଧ ଛକ ନିକଟରେ ଜଗି ରହିଥିଲଶ ପୁଲିସ । ଜହ୍ନାପଙ୍କ ପଟୁ ଦ୍ରୁତ ଗତିରେ ଆସୁଥିବା ଏକ ବାଇକକୁ ଅଟକାଇ ଯାଞ୍ଚ କରାଯାଇଥିଲା । କିଛି ସମୟ ପରେ ଏକ ଟାଟା ସଫାରୀ ଗାଡି ଦ୍ରୁତ ଗତିରେ ଆସୁଥିବା ବେଳେ ପୁଲିସ ଗାଡିକୁ ଅଟକାଇ ଥିଲା ।
ପୁଲିସକୁ ଦେଖି ଗାଡି ଛାଡି ଚାଳକ ଫେରାର ହୋଇଯାଇଥିଲା । ଗାଡିରୁ ପୁଲିସ ୨୫ କିଲୋ ଗଞ୍ଜେଇ ଜବତ କରିଥିଲେ । ବାଇକରେ ଥିବା ଯୁବକକୁ ପଚରାଉଚରା କରିବାରୁ ତାର ନାମ ବିଜ୍ଞାନ ବେହେରା ଓ ତାର ଘର ବୌଦ୍ଧ ଥାନା ଅନ୍ତର୍ଗତ ଆନନ୍ଦପୁର ବୋଲି ପୁଲିସ ସୂଚନା ଦେଇଛି । ଫେରାର ହୋଇଥିବା ଗାଡି ଚାଳକ ଅନୁଗୁଳ ଜିଲ୍ଲା ବାଲିପାସି କୁଆଦର ଗ୍ରାମର ଦୀପନ ଗଡନାୟକ ଏବଂ ସେ ଅନୁଗୁଳ ଜିଲ୍ଲାର କାଳିଆ ପାଇଁ କାମ କରୁଥିବା ପୁଲିସ ନିକଟରେ ପ୍ରକାଶ କରିଥିଲା । ଏହି ଘଟଣାରେ ପୁଲିସ ଟାଟା ସଫାରୀ ସହିତ ବାଇକକୁ ଜବତ କରିଥିବା ବେଳେ ବିଜ୍ଞାନକୁ ଗିରଫ କରି କୋର୍ଟ ଚାଲଣ କରାଯାଇଛି ।
Comments are closed.