କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସମିତି କାର୍ଯ୍ୟାଳୟର ସଭାଗୃହଠାରେ ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ ହୋଇଯାଇଛି। ଉପଜିଲାପାଳ ଭୀମସେନ ଶବରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୁଣାଣୀରେ ବିଡ଼ିଓ ତାପସ କୁମାର ଭୋଇ, ଏବିଡ଼ିଓ ବଳରାମ ପାତ୍ର, ଅତିରିକ୍ତ ତହସିଲଦାର ଗଣେଶ ଦଳାଇ, ଅବକାରୀ ଉପନୀରିକ୍ଷକ ଆଶୀର୍ବାଦ ବେହେରା, ଉପଖଣ୍ଡସ୍ଥ ସାମାଜିକ ସୁରକ୍ଷା ଅଧିକାରୀ ଏସ କେ ପାଣିଗ୍ରାହୀ, ଉଠାଜଳସେଚନ ପ୍ରକଳ୍ପର ସହକାରୀ ଯନ୍ତ୍ରୀ ଜୟପ୍ରକାଶ ଦରଜି, ଏଆରସି ଦୀପକ ବାରା, ପୂର୍ତ୍ତ ବିଭାଗର ସହକାରୀ ଯନ୍ତ୍ରୀ ରାଜୀବ କୁମାର ବେହେରା, ଆରଡି ବିଭାଗର କନିଷ୍ଠ ଯନ୍ତ୍ରୀ ଧବଳେଶ୍ବର ପାତ୍ର, ଏଡିହେଚ ରାକେଶ ମିଶ୍ରଙ୍କ ସମେତ ସମସ୍ତ ଜିଲାସ୍ତରୀୟ ଅଧିକାରୀ ଉପସ୍ଥିତ ରହିଥିଲେ। ଦୁଃଖର ବିଷୟ କଲ୍ୟାଣସିଂହପୁରରେ ହୋଇଥିବା ଅଭିଯୋଗ ଶୁଣାଣୀର ତଥ୍ୟ ସ୍ଥାନୀୟ ସମିତି କାର୍ଯ୍ୟାଳୟରୁ ମିଳୁପାରୁନାହିଁ। ଜିଲ୍ଲାରୁ ତଥ୍ୟ ଆସିଲେ ଦିଆଯିବ ବୋଲି ଅଧିକାରୀମାନେ କହିଛନ୍ତି । ଏଥିରେ ସମୁଦାୟ ୬୫ଟି ଅଭିଯୋଗ ମଧ୍ୟରୁ ୫୩ଟି ବ୍ୟକ୍ତିଗତ ଓ ୧୨ଟି ଗୋଷ୍ଠିଭିତ୍ତିକ ଶୁଣାଣି ହୋଇଥିଲା। ଏଥିରେ ପୁଇଗୁଡାର ଶ୍ୟାମଘନ ସୁନାଙ୍କୁ ଟ୍ରାଇସାଇକଲ, ରାଜେଶ ନାଗବଂଶକୁ ଭତ୍ତା ଓ ଗୋରିଆମଣି କରକରିଆଙ୍କୁ ଶ୍ରବଣ ଯନ୍ତ୍ର ପ୍ରଦାନ କରାଯାଇଛି। ଏଥିରେ ବ୍ଲକର ସମସ୍ତ ଅଧିକାରୀମାନେ ଉପସ୍ଥିତ ରହି ସହଯୋଗ କରିଥିଲେ।
Comments are closed.