ହରଭଙ୍ଗା: ଆସନ୍ତା ୧୭ତାରିଖରୁ ପୁରୁଣାକଟସ୍ଥିତ ଭୈରବୀ ପୀଠରେ ଷୋଳପୂଜା ଅନୁଷ୍ଠିତ ହେବ ବୋଲି କମିଟି ପକ୍ଷରୁ ସୂଚନା ମିଳିଛି। ଏହି ପରୀପ୍ରେକ୍ଷୀରେ ରବିବାର ମନ୍ଦିର ପରିଚାଳନା କମିଟି ସଭାପତି ସୁରେନ ପ୍ରଧାନଙ୍କ ସଭାପତିତ୍ୱରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ସବୁବର୍ଷ ଭଳି ଚଳିତବର୍ଷ କିଭଳି ମାଆଙ୍କ ଗୁପ୍ତ ପୂଜା ତଥା ଷୋଳପୂଜା ସୂଚାରୁରୂପେ ସମ୍ପନ୍ନ ହେବ ସେ ବିଷୟରେ ପରିଚାଳନା କମିଟି ମଧ୍ୟରେ ବିସ୍ତୃତଭାବେ ଆଲୋଚନା ହୋଇଥିଲା। ଷୋଳଖଣ୍ଡ ମୌଜାର ଅଧିବାସୀମାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜିତ ଏହି ସ୍ୱତନ୍ତ୍ର ପୂଜା ପାଇଁ ବିଭିନ୍ନ ଦାୟିତ୍ୱ ବଟଂନ କରାଯାଇଥିଲା। ବୈଠକରେ ମନ୍ଦିର ପରିଚାଳନା କମିଟି ସମ୍ପାଦକ ଶୁଷେଣ ପ୍ରଧାନ ସହ ସମ୍ପାଦକ ରସାନନ୍ଦ ସାହୁ,କୋଷାଧ୍ୟକ୍ଷ ସରୋଜ ପ୍ରଧାନଙ୍କ ସମେତ ଷୋଳଖଣ୍ଡ ଗ୍ରାମର ପ୍ରତିନିଧିମାନେ ଉପସ୍ଥିତ ଥିଲେ।
Comments are closed.