କାମାକ୍ଷାନଗର: କାମାକ୍ଷାନଗର ଓ ପରଜଙ୍ଗ ଅବକାରୀ ବିଭାଗର ମିଳିତ ଚଢାଉରେ କାମାକ୍ଷାନଗର ଓ କଙ୍କଡ଼ାହାଡ ବ୍ଲକର ବିଭିନ୍ନ ସ୍ଥାନରୁ ତିନିଜଣଙ୍କୁ ଗିରଫ କରିବା ସହିତ ୧୫୦ ଲିଟର ଚୋରା ଦେଶୀ ମଦ ଓ ଗୋଟିଏ ଅଟୋ ଜବତ କରାଯାଇଛି। କାମାକ୍ଷାନଗରର ଜିରିଡାମାଳୀଛକଠାରେ ଅଟୋ ଯୋଗେ ବାଲିକୁମା ଗ୍ରାମର ରୁପେନ୍ଦ୍ର ନାଥ ସୋରେନ ୧୫୦ ଲିଟର ଚୋରା ଦେଶୀ ମଦ ନେଇ ଯାଉଥିଲେ। ବିଶେଷ ସୂତ୍ରରୁ ଖବର ପାଇ ଅବକାରୀ ପୁଲିସ ରୁପେନ୍ଦ୍ରଙ୍କୁ ଗିରଫ କରିବା ସହ ମଦ ଓ ଅଟୋକୁ ଜବତ କରିଛି। ସେହିପରି ବାଲିକୁମା ଗ୍ରାମର ବାସନ୍ତି ହାଁସଦା ଚୋରାମଦ ନେଇ ଚାଲି ଚାଲି ଯାଉଥିବା ବେଳେ କଙ୍କଡ଼ାହାଡ ଥାନା ବାଟଗାଁ ଛକ ନିକଟରେ ପୁଲିସ ହାତରେ ଧରା ପଡ଼ିଥିଲେ। ଅପରପକ୍ଷେ, ବାଲିକୁମା ଗ୍ରାମର ଦାନକି ହାଁସଦା ଚୋରାମଦ ନେଇ ଯାଉଥିବା ବେଳେ କାମାକ୍ଷାନଗର ଥାନା ଭାଲୁମୁଣ୍ଡା ଛକ ନିକଟରେ ଧରି ତାଙ୍କଠାରୁ ୨୫ ଲିଟର ଚୋରା ଦେଶୀମଦ ଜବତ କରି ଥାନାରେ ଅଟକ ରଖାଯାଇଛି। ଆସନ୍ତାକାଲି ସମସ୍ତଙ୍କ ସ୍ୱାସ୍ଥ୍ୟ ପରୀକ୍ଷା କରାଯିବା ପରେ କୋର୍ଟ ଚାଲାଣ କରାଯିବ ବୋଲି ବିଭାଗ ପକ୍ଷରୁ ସୂଚନା ମିଳିଛି।
Comments are closed.