ଫୁଲବାଣୀ/କୋଟଗଡ:କନ୍ଧମାଳ ଜିଲାରେ ମାଓ ଚାଲି ଚଲଣ କମିବାର ନାଁ ଧରୁନାହିଁ। କିଛି ଦିନର ନିରବତା ପରେ ପୁଣିଥରେ କନ୍ଧମାଳ ଜିଲା କୋଟଗଡ଼ ଥାନା ଅନ୍ତର୍ଗତ ଯାମଝୋର ଗ୍ରାମରେ ଲାଗିଛି ଏକାଧିକ ସ୍ଥାନରେ ଧମକ ପୂର୍ଣ୍ଣ ମାଓ ପୋଷ୍ଟର। ଉକ୍ତ ପୋଷ୍ଟରରେ ପୂର୍ବତନ ବିଡିଓ ଓ ଅଞ୍ଚଳର ଜଣେ ଠିକାଦାରଙ୍କୁ ଟାର୍ଗେଟ କରାଯାଇ ଏଥିରେ ଉଲ୍ଲେଖ କରାଯାଇଥିବାର ଦେଖାଯାଇଛି। ନିରୀହ ଆଦିବାସୀଙ୍କୁ ଶୋଷଣ କରୁଥିବା ଅଭିଯୋଗ କରାଯିବା ସହିତ ବେଳ ଥାଉ ଥାଉ ସୁଧୁରି ଯିବା ପାଇଁ ଚେତାବନି ଦିଆଯିବା ସହିତ ନଚେତ ପ୍ରଜାକୋର୍ଟରେ ମୃତ୍ୟୁ ଦଣ୍ଡ ଦିଆଯିବ ବୋଲି ଉଲ୍ଲେଖ କରାଯିବା ସହିତ ମୃତ୍ୟୁଦଣ୍ଡ ଦିଆଯିବ ବୋଲି ଉଲ୍ଲେକ କରଯାଇଛି। ସେହିଭଳି ମିଥ୍ୟା ବିଲ୍ କରି ଯେଉଁ କୋଟି କୋଟି ଟଙ୍କା ଆତ୍ମସାତ କରୁଛନ୍ତି ତାହାକୁ ମାଓ ସଂଗଠନ ବିରୋଧ କରୁଛି ବୋଲି ଉଲ୍ଲେଖ ରହିଛି। ଏହାକୁ ନେଇ ସଂପୃକ୍ତ ଅଞ୍ଚଳରେ ଏପ ପ୍ରଭାର ଭୟର ବାତାବରଣ ଦେଖାଯାଇଥିବା ବେଳେ ରିପୋର୍ଟ ଲେଖାହେବା ସୁଦ୍ଧା ଉକ୍ତ ସ୍ଥାନରେ ପୋଷ୍ଟର ଲାଗିଛି। ତେବେ ଏନେଇ କୋଟଗଡ଼ ପୁଲିସକୁ ପଚାରିବାରେ ଏନେଇ ତାଙ୍କ ପାଖରେ କୌଣସି ପ୍ରକାର ଖବର ନଥିବାର ପ୍ରକାଶ କରିଛନ୍ତି।
Comments are closed.