ପାତ୍ରପୁର: ପାତ୍ରପୁର ବ୍ଳକ ପଦାଦିଗି ପଂଚାୟତ ନୂଆଁପେଣ୍ଠ ଗ୍ରାମରେ ନାଟକ ଦେଖୁଥିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ପାଞ୍ଚ ଜଣ ଛାତ୍ର ଆହତ ହୋଇଛନ୍ତି।ସମସ୍ତ ଆହତମାନଙ୍କୁ ୧୦୮ଯୋଗେ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଛି। ଆହତ ମାନେ ହେଲେ ଶ୍ରୀତମ ପାଣିଗ୍ରାହୀ(୧୦), ଆଶିଷ ପାଣିଗ୍ରାହୀ(୧୮), ଶୁଭମ ପାଣିଗ୍ରାହୀ(୧୮), ଦେବରାଜ ସାବତ(୯) ଏବଂ ସତ୍ୟସାଇ ଚୌଧୁରୀ(୧୧)। ନୂଆପେଣ୍ଠ ବିଦ୍ୟାଳୟ ନିକଟରେ ଗଣେଷ ପୂଜା ପାଇଁ ଗତ ରାତିଠାରୁ ମହାଭାରତ ନାଟକ ପରିବେଷଣ ହେଉଥିଲା। ଏହି ସମୟରେ ଯାତ୍ରା ପେଣ୍ଡାଲ ଉପର ଦେଇ ଯାଇଥିବା ଏକ ବିଦ୍ୟୁତ ତାର କୌଣସି କାରଣରୁ ଛିଣ୍ଡି ପଡ଼ି ପେଣ୍ଡାଲର ଲୁହାଗ୍ରୀଲ ଉପରେ ପଡି ଯାଇଥିଲା । ତଳେ ନାଟ ଦେଖୁଥିବା ଜଣେ ପିଲା ଏହି ଲୁହାକୁ ଲାଗି ଯିବା ଫଳରେ ବିଦ୍ୟୁତ ସଂସ୍ପର୍ଶରେ ଆସିଯାଇଥିଲା। ଏହାପରେ ଅନ୍ୟ ପିଲାମାନେ ମଧ୍ୟ ବିଦ୍ୟୁତ ସଂସ୍ପର୍ଶରେ ଆସିଥିଲେ। ତେବେ ପ୍ରାଥମିକ ଚିକିତ୍ସାପରେ ସବୁ ପିଲା ସୁସ୍ଥ ହୋଇ ଘରକୁ ଫେରିଥିବା ସୂଚନା ମିଳିଛି।
Popular Categories
Previous article
Next article