ଲାଞ୍ଜିଗଡ଼: ଲାଞ୍ଜିଗଡ଼ ବ୍ଲକର ବିଶିଷ୍ଟ ସମାଜସେବୀ ସତ୍ୟ ନାରାୟଣ ପେସନିଆ ଓ ତାଙ୍କ ଧର୍ମପତ୍ନୀ ଶକୁନ୍ତଳା ପେସନିଆଙ୍କ ସ୍ମୃତିରେ ବିଶ୍ୱନାଥପୁରସ୍ଥିତ ଗୋପବନ୍ଧୁ ହାଇସ୍କୁଲ ପଡିଆଠାରେ ଏକ ଗ୍ରାମାଞ୍ଚଳ ଫୁଟବଲ ପ୍ରତିଯୋଗିତା ଉଦଘାଟିତ ହୋଇଯାଇଛି । ବିଶ୍ୱନାଥପୁରର ମାଁ ହୀରାନୀଳା ଯୁବ ପ୍ରଗତି କେନ୍ଦ୍ର ଆନୁକୂଲ୍ୟରେ ଆୟୋଜିତ ଏହି ପ୍ରତିଯୋଗିତାର ଉଦ୍ଘାଟନୀ ମ୍ୟାଚ୍ ଗୋପୀନାଥପୁର ଓ ପାଇକ ରାଣୀପିଣ୍ଡା ମଧ୍ୟରେ ଅନୁଷ୍ଠିତ ହୋଇଥିବା ବେଳେ ଏଥିରେ ଗୋପୀନାଥପୁର ୪-୦ ଗୋଲରେ ବିଜୟୀ ହୋଇଥିଲା ।
ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ସରପଞ୍ଚ ଚନ୍ଦ୍ରଧ୍ୱଜ ପେସନିଆ, ଲାଞ୍ଜିଗଡ ଯୁବକ ସଂଘର ସଭାପତି ହିମାଦ୍ରୀ ପେସନିଆ, ସମାଜସେବୀ ତରୁଣ କୁମାର ଦାସ, ମନୋରଞ୍ଜନ ବିଶି, କିଶୋର ହରପାଲ, ମହେନ୍ଦ୍ର କରୁଆଁ ପ୍ରମୁଖ ଯୋଗ ଦେଇଥିଲେ । ହୀରାନୀଳା ଯୁବ ପ୍ରଗତି କେନ୍ଦ୍ରର ମୁଖ୍ୟ କିଶୋର ଚନ୍ଦ୍ର ଘଡେଇ ଅନୁଷ୍ଠିତ ମ୍ୟାଚ୍ ପରିଚାଳନା କରିଥିଲେ ।
Comments are closed.