କୁଆଁପାଳ : ମାହାଙ୍ଗା ବ୍ଲକ କଟକ କେନ୍ଦ୍ର ସମବାୟ ସମିତି ଅଧିନ ନାହାଙ୍ଗ ପ୍ରାଥମିକ କୃଷି ସେବା ସମବାୟ ସମିତିର ବିଜେଡି ସମର୍ଥିତ ପ୍ରାର୍ଥୀ ସନ୍ତୋଷ ମହାପାତ୍ର ନୂତନ ସଭାପତି ଭାବେ ନିର୍ବାଚିତ ହୋଇଯାଇଯାଇଛନ୍ତି । ଗତ ସପ୍ତାହରେ ଏହି ସମିତିର ୧ରୁ ୧୫ ସମସ୍ତ ବୋର୍ଡ ସଭ୍ୟ ନିଦ୍ୱନ୍ଦ୍ବରେ ନିର୍ବାଚିତ ହୋଇଥିବା ବେଳେ ସଭାପତି ଭାବେ ବିଜେଡି ସମର୍ଥିତ ପ୍ରାର୍ଥୀ ସନ୍ତୋଷ କୁମାର ମହାପାତ୍ର ନିଦ୍ୱନ୍ଦ୍ବରେ ନିର୍ବାଚିତ ହୋଇଛନ୍ତି । ସମସ୍ତ ବୋର୍ଡ ସଭ୍ୟ ସଭ୍ୟା ବିଜେଡି ସମର୍ଥିତ ହୋଇଥିବା ବେଳେ ଏକ ମାତ୍ର ସଭାପତି ପଦବୀ ନିମନ୍ତେ ସନ୍ତୋଷ ମହାପାତ୍ର ନାମାଙ୍କନ ପତ୍ର ଦାଖଲ କରିଥିଲେ । ତାଙ୍କ ବିପକ୍ଷରେ କେହି ପାର୍ଥୀ ନଥିବାରୁ ତାଙ୍କୁ ସଭାପତି ପଦରେ ନିର୍ବାଚିତ କରାଯାଇଛି । ଏହି ନିର୍ବାଚନରେ ପୂର୍ବତନ ସମିତି ସଭାପତି ତଥା ଜିଲ୍ଲାପରିସଦ ସଭ୍ୟ ପୂର୍ଣ୍ଣଚନ୍ଦ୍ର ସ୍ୱାଇଁ, ଗୋତରା ସରପଞ୍ଚ ରତ୍ନାକର ସାହୁ, ନାହାଙ୍ଗ ସରପଞ୍ଚ ପ୍ରତିନିଧି ଦେବରଂଜନ ମହାନ୍ତି, ପୂର୍ବତନ ସରପଞ୍ଚ ଚିତ୍ତରଞ୍ଜନ ମହାନ୍ତି, ଚିତ୍ତରଞ୍ଜନ ମହାପାତ୍ର ସମେତ ବହୁ ବିଜେଡି ସଂଗଠକ ପ୍ରତ୍ୟକ୍ଷ ଭାବେ ଦଳୀୟ ପ୍ରାର୍ଥୀଙ୍କୁ ସଭାପତି ପଦରେ ଆସିନ କରିବା ପାଇଁ ଉଦ୍ୟମ ଜାରି ରଖିଥିଲେ । ଅପର ପକ୍ଷରେ ଏହି ସଭାପତି ପଦରେ ନିଦ୍ୱନ୍ଦ୍ବରେ ନିର୍ବାଚିତ ହୋଇଥିବାରୁ ମାହାଙ୍ଗା ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରତାପ ଜେନା, ବ୍ଲକ ଅଧ୍ୟକ୍ଷା ଦୀପା ମଲ୍ଳିକ, ବିଜେଡି ସଭାପତି ରାଜକିଶୋର ଜେନା, ଯୁବ ବିଜେଡି ସଭାପତି ଶରତ ମହାପାତ୍ର, ଜିଲ୍ଲାପାରିସଦ ସଭ୍ୟ ପୁର୍ଣ ଚନ୍ଦ୍ର ସ୍ୱାଇଁ , ନାହଙ୍ଗ ସରପଞ୍ଚ ମନୋରମା ମହାନ୍ତି, ଗୋତରା ସରପଞ୍ଚ ରତ୍ନାକର ସାହୁ, ଦେବରଂଜନ ମହାନ୍ତି ପ୍ରମୁଖଙ୍କୁ କୃତଜ୍ଞତା ଜଣାଇଛନ୍ତି ।
Popular Categories
Previous article
Next article