ଗୁରୁଡିଝାଟିଆ : ମହାନଦୀରେ ମଧୁସୂଦନ ସେତୁ ହେବା ପରେ ପୁରୁଣା କଟକ-ସମ୍ବଲପୁର ରାସ୍ତାରେ ଶହ ଶହ ସଂଖ୍ୟାରେ ଯାନବାହନ ଚଳାଚଳ କରୁଛି। ରାସ୍ତାର ଗୋଟିଏ ପାର୍ଶ୍ବରୁ ଅନ୍ୟ ପାର୍ଶ୍ବକୁ ଯିବା ପାଇଁ ଦୀର୍ଘ ସମୟ ଅପେକ୍ଷା କରିବାକୁ ପଡୁଛି । ଯେହେତୁ ରାସ୍ତାଟି ଗାଁ ମଝିରେ ଯାଇଛି ଅନେକ ସମୟରେ ଦୁର୍ଘଟଣାମାନ ଘଟୁ ଛି। କଖଡି ପ୍ରାଥମିକ ବିଦ୍ୟାଳୟ, ଉଚ୍ଚ ବିଦ୍ୟାଳୟ ଓ କଲେଜ ମଧ୍ୟରେ ଦୂରତା ମାତ୍ର ୨ଶହ ମିଟର ହୋଇଥିବାରୁ ରାସ୍ତାରେ ବହୁ ସଂଖ୍ୟାରେ ଗାଡି ଚଳାଚଳ କରୁଥିବାରୁ ବିଦ୍ୟାର୍ଥୀମାନେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି । ସେମାନଙ୍କ ଜୀବନ ପ୍ରତି ବିପଦ ମଧ୍ୟ ରହିଛି । ତେଣୁ ଶିକ୍ଷାନୁଷ୍ଠାନ ନିକଟରେ ଚୌଦ୍ୱାର କମିସନରେଟ ପୋଲିସ ପକ୍ଷରୁ ବ୍ୟାରିକେଡ ରଖିବା ପାଇଁ ସାଧାରଣରେ ଦାବି ହୋଇଛି । ଏଥିସହିତ ଛାତ୍ରଛାତ୍ରୀଙ୍କୁ ନେଇ ସଡକ ସଚେତନତା କାର୍ଯ୍ୟକ୍ରମ କରାଗଲେ ଏହାର ସୁଦୂରପ୍ରସାରୀ ପ୍ରଭାବ ପଡିବ। ଯାହାକି ଦୁର୍ଘଟଣାକୁ ରୋକିବା ଦିଗରେ ଏହି ସଚେତନତା ଅନେକାଂଶରେ ସହାୟକ ହେବ ବୋଲି ବୁଦ୍ଧିଜୀବିମାନେ ମତପ୍ରକାଶ କରିଛନ୍ତି।
Popular Categories
Previous article
Next article