ଦେବଗଡ଼ : ଭାଲିଆଡିହୀ-ଦେଓଝରଣ ରାସ୍ତାରେ ବୁଧବାର ୨ଟି ବାଇକ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ୩ ଜଣ ବାଇକ ଆରୋହୀ ଗୁରୁତ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ନିମନ୍ତେ ପ୍ରଥମେ ଦେବଗଡ଼ ଜିଲା ମୁଖ୍ୟ ଚିକିତ୍ସାଳୟ ଏବଂ ପରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ମିଳିଥିବା ସୂନଚା ଅନୁଯାୟୀ ଆଜି ତିଲେଇବଣି ବ୍ଲକ ଅନ୍ତର୍ଗତ ଭାଲିଆଡିହୀ ଗ୍ରାମର ଶବଚ୍ଚ କୁମୁରା ଓ ଶିବ ବେହେରା ନାମକ ୨ ଜଣ ଯୁବକ କୌଣସି କାମରେ ଏକ ବାଇକ ଯୋଗେ ଦେଓଝରଣ ଗ୍ରାମକୁ ଯାଉଥିଲେ। ତେବେ ଅଳ୍ପଦୂର ଗଲା ପରେ ଭାଲିଆଡିହୀ-ଦେଓଝରଣ ରାସ୍ତାର ଏକ ବୁଲାଣିରେ ବିପରିତ ଦିଗରୁ ଆସୁଥିବା ଗୋଳାବନ୍ଧ ଗ୍ରାମର ସୌଭାଗ୍ୟ ସାହୁଙ୍କ ବାଇକ ସହ ସମାନଙ୍କର ଧକ୍କା ହୋଇଥିଲା। ଫଳରେ ଉଭୟ ବାଇକରେ ଥିବା ୩ ଜଣ ଯାକ ବାଇକ ସହ ରାସ୍ତା ଉପରକୁ ଛିଟିକି ପଡି ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକଙ୍କ ହାୟତାରେ ଚିକିତ୍ସା ନିମନ୍ତେ ସେମାନଙ୍କୁ ଦେବଗଡ ଜିଲା ମୂଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ମାତ୍ର ଅବସ୍ଥା ଗୁରୁତର ହେବାରୁ ଅଧିକ ଚିକିତ୍ସା ନିମନ୍ତେ ସେମାନଙ୍କୁ ବୁର୍ଲା ସ୍ଥିତ ଭୀମସାରକୁ ସ୍ଥାନାନ୍ତରିତ କରାଯାଇଛି।
