ଖାତକୁ ଖସିଲା ବସ, ୨୨ ମୃତ

ଉତ୍ତରାଖଣ୍ଡ: ଉତ୍ତରକାଶୀ ଜିଲା ଦମତା ନିକଟରେ ବଡ଼ ଧରଣର ଦୁର୍ଘଟଣା। ମଧ୍ୟପ୍ରଦେଶର ୨୮ ତିର୍ଥଯାତ୍ରୀଙ୍କୁ ନେଇ ଯାଉଥିବା ଏକ ବସ ଖାତକୁ ଖସିପଡ଼ିବାରୁ ୨୨ଜଣଙ୍କ ମୃତ୍ୟୁ ହୋଇଥିବାବେଳେ ୬ଜଣ ଗୁରୁତର ହୋଇଥିବା ସୂଚନା ମିଳିଛି।

ମିଳିଥିବା ସୂଚନା ଅନୁଯାୟୀ ଉତ୍ତର କାଶୀରେ ଏକ ବସ୍ ଦୁର୍ଘଟଣାରେ ୨୨ ଜଣଙ୍କର ମୃତ୍ୟୁ ହୋଇଛି। ୨୮ଜଣ ଯାତ୍ରୀଙ୍କୁ ନେଇ ୟମୁନୋତ୍ରୀ ଯାଉଥିବା ବସଟି ୨୦୦ ମିଟର ତଳକୁ ଖସିପଡିବାରୁ ବସରେ ଥିବା ଯାତ୍ରୀମାନଙ୍କ ମଧ୍ୟରୁ ୨୨ ଜଣଙ୍କର ମୃତ୍ୟୁ ହୋଇଛି । ବସ ଦୁର୍ଘଟଣା ଖବର ପାଇବା ପରେ ଏନଡିଆରଏଫ ଯବାନଙ୍କ ସହାୟତାରେ ଉଦ୍ଧାର କାର୍ଯ୍ୟ ଜାରି ରହିଛି । ସ୍ଥାନୀୟ ଏସପି ଅପର୍ଣ୍ଣ ରଘୁବଂଶୀ କହିଛନ୍ତି ଯେ ଡାମଟାରୁ ପାଖାପାଖି ୨ କିଲୋମିଟର ଦୂର ନୌଗାଓଁ ନିକଟରେ ଏଭଳି ଦୁର୍ଘଟଣା ଘଟିଛି। ବସରେ ଥିବା ଯାତ୍ରୀମାନେ ମଧ୍ୟପ୍ରଦେଶର ବୋଲି ଜଣାପଡିଛି। ଆହତମାନଙ୍କୁ ଉଦ୍ଧାର କରି ତୁରନ୍ତ ମେଡିକାଲ ପଠା ଯାଇଛି।