ବାଙ୍କୀ: ବାଙ୍କୀ-ଡମପଡା ବ୍ଲକ ଅଧିନ ଢଁସର ଗ୍ରାମସ୍ଥିତ ସବୁଜ ବାହିନୀ ଯୁବ ଅନୁଷ୍ଠାନ ପକ୍ଷରୁ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି। ମହାପର୍ବତ ପାଦଦେଶରେ ଥିବା ପ୍ରକୃତି ପୂଜାରୀ ସ୍ୱର୍ଗତଃ ବ୍ରଜେନ୍ଦ୍ର ପ୍ରଧାନଙ୍କ ପ୍ରର୍ତ୍ତିମୂର୍ତ୍ତି ନିକଟରେ ନିରାଡମ୍ବର ଭାବରେ ଏହି କାର୍ଯ୍ୟକ୍ରମ ସଭାପତି ସୁରେନ୍ଦ୍ରନାଥ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ପ୍ରଥମେ ସବୁଜ ବାହିନୀର ସଦସ୍ୟ ଛାତ୍ରଛାତ୍ରୀ ମାନଙ୍କ ସହିତ ଉପସ୍ଥିତ ଅତିଥି ମାନେ ପ୍ରକୃତି ଓ ପରିବେଶ ପାଇଁ କାମ କରି ଦିବ୍ୟଗତଂ ହୋଇଥିବା ବ୍ରଜେନ୍ଦ୍ର ପ୍ରଧାନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇ ସ୍ମୃତିଚାରଣ କରାଯାଇଛି।
ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ପ୍ରକୃତିବନ୍ଧୁ ଧନେଶ୍ୱର ବିଧାର, ମୁଖ୍ୟବକ୍ତା ଡ. ଗଣେଶ୍ୱର ସ୍ୱାଇଁ ଏବଂ ସମ୍ମାନିତ ଅତିଥି ଭାବରେ ପ୍ରକୃତିବନ୍ଧୁ ଶିବନାରାୟଣ ମିଶ୍ର, ପରିବେଶବିତ୍ ଲଳିତ ମୋହନ ପଣ୍ଡା ପ୍ରମୁଖ ଯୋଗଦେଇ ଦିବସର ଅନୁଚିନ୍ତା ପ୍ରଦାନ କରିଥିଲେ। ଅନୁଷ୍ଠାନର ସମ୍ପାଦକ ଚିତ୍ତରଞ୍ଜନ ସାହୁ ବାର୍ଷିକ ବିବରଣୀ ପାଠ କରିଥିଲେ। ରାଜକିଶୋର ଜେନା ଅତିଥି ପରିଚୟ ପ୍ରଦାନ କରି ସମସ୍ତଙ୍କୁ ସ୍ୱାଗତ କରିଥିଲେ। ଶେଷରେ ଅତିଥି ମାନଙ୍କ ଦ୍ୱାରା ଛାତ୍ରଛାତ୍ରୀଙ୍କୁ ପରିବେଶ ସମ୍ପର୍କିତ ଆଲୋଚନା ପାଇଁ ପୁରସ୍କାର ବିତରଣ କରାଯାଇଛି। ଅଭୟ କୁମାର ପଣ୍ଡା ସମସ୍ତଙ୍କୁ ଧନ୍ୟବାଦ ଦେଇଥିଲେ।
Comments are closed.