କଣ୍ଟାବାଞ୍ଜି: କଣ୍ଟାବାଞ୍ଜି ଆରଏମସି ନିକଟ ଇଟା ଭାଟିର ଅଳ୍ପ ଦୂରରେ ଏକ ନିମ୍ବ ଗଛରେ, ଜଣେ ଯୁବତୀର ଝୁଲନ୍ତା ମୃତ ଦେହ ଉଦ୍ଧାର କରିଛି ପୁଲିସ। ପ୍ରାପ୍ତ ସୂଚନା ମୁତାବକ ବୌଦ୍ଧ ଜିଲା ଲକ୍ଷ୍ମୀ ପ୍ରସାଦ ପଞ୍ଚାୟତ ଜଗତି ଗ୍ରାମର ନଳିନୀ ସେଠୀ(୨୦) ସମ୍ପର୍କୀୟ ମାମୁ ଘର ସହ ଗତ ୬ ମାସ ତଳେ କଣ୍ଟାବାଞ୍ଜିର ଏକ ଇଟା ଭାଟିକୁ ଆସି କାମକରୁଥିଲେ। ମୁତ ଯୁବତୀର ଇଟା ଭାଟିରେ ଏକାସଙ୍ଗେ କାମକରୁଥିବା ସମ୍ପର୍କୀୟ ମହିଳାଙ୍କ କହିବା ଅନୁଯାଇ ଆଜିଭୋର ସମୟରେ ଶୌଚ ହେବାକୁ ଯାଇ ସେ ଆଉ ଭାଟିକୁ ନଫେରିନଥିଲେ। ଏହାପରେ ଇଟା ଭାଟି ନିକଟ ଏକ ନିମ୍ବ ଗଛରେ ତାଙ୍କର ମୃତଦେହ ଝୁଲୁଥିବା ଦେଖିବାକୁ ମିଳିଥିଲା। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିଥିଲା। ପ୍ରାଥମିକ ତଦନ୍ତ ପରେ ଏକ ଅପମୃତ ମାମଲା କେଶ ନମ୍ବର ୯ରୁଜୁ କରି ପଞ୍ଚନାମା କରିଥିଲା ଏବଂ ମୃତଦେହ ବ୍ୟବଛେଦ ପାଇଁ ସ୍ଥାନୀୟ ଡାକ୍ତରଖାନାକୁ ପଠାଇଥିଲା। ପ୍ରାଥମିକ ତଦନ୍ତରୁ ନଳିନୀ ଆତ୍ମ ହତ୍ୟା କରିଥିବା ଅନୁମାନ କରିଛି ପୁଲିସ। କିନ୍ତୁ ଆତ୍ମ ହତ୍ୟା କାରଣ ଅସ୍ପଷ୍ଟ ଥିବା ବେଳେ ପୁଲିସ ତଦନ୍ତ ଜାରି ରଖିଥିବା ସୂଚନା ଦେଇଛି।
Comments are closed.