ଗୋପାଳପୁର: ଗୋଳନ୍ଥରା ଥାନା ଚିକିରଡ଼ା ଗାଁ ନିକଟସ୍ଥ ଠୁକାରୀ ନାଳ ନିକଟରେ ଥିବା ବିଲ ମଧ୍ୟରୁ ଜଣେ ଅଚିହ୍ନା ଯୁବକଙ୍କ ଗଳିତ ମୃତଦେହକୁ ଗୋଳନ୍ଥରା ପୁଲିସ ଉଦ୍ଧାର କରିଛି । ମିଳିଥିବା ସୂଚନା ଅନୁଯାୟୀ ସୋମବାର ଅପରାହ୍ନ ୩ଟା ବେଳେ ଚିକିରଡ଼ା ଗାଁର କିଛି ଗ୍ରାମବାସୀ ଏକ ଅଚିହ୍ନା ଯୁବକଙ୍କ ମୃତଦେହ ବିଲ ମଧ୍ୟରେ ପଡ଼ିଥିବା ଦେଖିଥିଲେ । ଏନେଇ ଗୋଳନ୍ଥରା ପୋଲିସଙ୍କୁ ସୂଚନା ଦେଇଥିଲେ । ଖବର ପାଇ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ମହନ୍ତ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ତଦନ୍ତ ଆରମ୍ଭ କରିଥିଲେ । ମୃତ ଯୁବକ ଏକ ହଳଦିଆ ରଙ୍ଗର ଟିସାର୍ଟ ଓ ନୀଳ ହାପ ଜିନ ପେଣ୍ଟ ପିନ୍ଧି ଥିବା ଓ ନିକଟରେ ଏକ କୀଟନାଶକ ବୋତଲ ପଡ଼ିଥିବା ଦେଖିବାକୁ ମିଳିଥିଲା । ପୋଲିସ ପ୍ରାଥମିକ ତଦନ୍ତରୁ ଯୁବକ ଜଣକ ବିଷ ପାନକରି ଆତ୍ମହତ୍ୟା କରିଥିବା ସନ୍ଦେହ କରୁଥିବା ବେଳେ ବର୍ତ୍ତମାନ ସୁଦ୍ଧା ମୃତ ଯୁବକର କୌଣସି ପରିଚୟ ମିଳିପାରିନାହିଁ । ମୃତ ଯୁବକଙ୍କ ବୟସ ଆନୁମାନିକ ୩୦ରୁ ୩୫ ବର୍ଷ ହେବ ବୋଲି ଅନୁମାନ କରାଯାଇଛି । ପୋଲିସ ଶବ ଏବଂ କୀଟନାଶକ ବୋତଲ ଜବତ କରିବା ସହ ଘଟଣାର ତଦନ୍ତ କରୁଥିବା ଥାନାଧିକାରୀ ଶ୍ରୀ ମହନ୍ତ ସୂଚନା ଦେଇଛନ୍ତି ।
Comments are closed.