ବେଗୁନିଆ: ବେଗୁନିଆ ବ୍ଲକ ଅନ୍ତର୍ଗତ ବଡ ବେରଣା ଗ୍ରାମ ପଞ୍ଚାୟତ ରାଜୀବଗାନ୍ଧୀ ସେବା କେନ୍ଦ୍ର ପରିସରରେ ଆମ ଆଦମୀ ପାର୍ଟିର ବିଜୁଳି ଆନ୍ଦୋଳନକୁ ନେଇ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି। ଆବାହିକା ପଦ୍ମାଳୟା ମହାପାତ୍ର ନିଜ ଅଞ୍ଚଳର ବିପର୍ଯ୍ୟସ୍ତ ସ୍ୱାସ୍ଥ୍ୟ ସେବା, ଶିକ୍ଷା ବ୍ୟବସ୍ଥା, ବ୍ଲକ, ଥାନା କୋର୍ଟ କଚେରୀରେ ସାଧାରଣ ଜନତାଙ୍କ ଦୁରାବସ୍ଥାକୁ ନେଇ ଉଦବେଗ ପ୍ରକାଶ କରିଥିଲେ। ମୁଖ୍ୟବକ୍ତା ଭାବେ ଯୋଗ ଦେଇଥିବା ଶିଳ୍ପୀ କଳ୍ପତରୁ ପଣ୍ଡା ଜନ ମଙ୍ଗଳକାରି ରାଷ୍ଟ୍ରରେ ସରକାରଙ୍କର କର୍ତ୍ତବ୍ୟ ଓ ସାଧାରଣ ଜନତାଙ୍କ ଅଧିକାର ବିଷୟରେ ଆଲୋଚନା କରିଥିଲେ। ସଭାରେ ଉପସ୍ଥିତ ମହିଳାମାନେ ଆମ ଆଦମୀ ପାର୍ଟି ସରକାରର ବିଭିନ୍ନ ଜନ ମଙ୍ଗଳକାରି ଯୋଜନା ଗୁଡିକର ଭୁୟସୀ ପ୍ରଶଂସା କରିଥିଲେ। ଶେଷରେ ସୁସନ୍ଧ୍ୟା ରାଣୀ ମହାପାତ୍ର ମୁଖ୍ୟମନ୍ତ୍ରୀଙ୍କ ନିକଟକୁ ଦୁଇଶହ ୟୁନିଟ ମୁକ୍ତ ବିଜୁଳି ଦେୟପାଇଁ ନିଜ ଅଞ୍ଚଳର ଦୁଇଶହ ନଗରିକଙ୍କର ଦସ୍ତଖତ ସମ୍ବଳିତ ଦରଖାସ୍ତ ଶ୍ରୀ ପଣ୍ଡାଙ୍କ ମାଧ୍ୟମରେ ପ୍ରଦାନ କରିଥିଲେ।
Popular Categories
Previous article
Next article