ଭ୍ରମଣ ପାଇଁ ସୌନ୍ଦର୍ଯ୍ୟମୟ ସ୍ଥାନ ଦାର୍ଜିଲିଙ୍ଗ। ଏଠାରେ ବୁଲିବା ପାଇଁ ପୃଥିବୀବାସୀଙ୍କୁ ପ୍ରକୃତି ବହୁ ସୁନ୍ଦର ସୁନ୍ଦର ସ୍ଥାନ ଦେଇଛି।
ଟାଇଗର ହିଲ୍ –
ଏଠାରେ ସୂର୍ଯ୍ୟ ଉଦୟ ହେବା ସମୟର ଦୃଶ୍ୟ ମନକୁ ଏକ ଅପୂର୍ବ ଶାନ୍ତି ପ୍ରଦାନ କରିଥାଏ। ସୂର୍ଯ୍ୟ କିରଣ କାଞ୍ଚନଜଂଘା ପର୍ବତ ଶିଖରର ବରଫାବୃତ ଅଞ୍ଚଳରେ ପଡ଼ିବା ସମୟର ଦୃଶ୍ୟ ଆହୁରି ମନୋମୁଗ୍ଧକର।
ଦୁଆର – ଚା’ ବଗିଚା
ସାରା ଦୁନିଆରେ ଦାର୍ଜିଲିଙ୍ଗ ମୁଖ୍ୟତଃ ନିଜର ଚା’ ବଗିଚା ପାଇଁ ବେଶ ପ୍ରସିଦ୍ଧ। ଏହି ସ୍ଥାନ ମଧ୍ୟ ବୁଲିବା ପାଇଁ ଖୁବ ଉପଯୋଗୀ। ଦୁଆରର ଚାରିପାଖରେ ଚା’ର ବାସ୍ନା ଓ ସବୁଜକ୍ଷେତ୍ରର ଦୃଶ୍ୟ କେବଳ ବହି, ସିନେମା ଆଦିରେ ଦେଖାଯାଉଥିବା ଦୃଶ୍ୟଠାରୁ ଆହୁରି ସୁନ୍ଦର ଓ ସ୍ମରଣୀୟ।
କଲିମ୍ପୋଙ୍ଗ – ଧାର୍ମିକ ସ୍ଥାନ
କଲିମ୍ପୋଙ୍ଗରେ ଥିବା ଜ୍ୟାଙ୍ଗ୍ ଧୋକ୍ ପାଲରି ଫୋଦାଙ୍ଗ ଖୁବ ସୁନ୍ଦର ଏବଂ ପ୍ରସିଦ୍ଧ। ଏଠାରେ ବହୁ ଦୁର୍ଲ୍ଲଭ ଧର୍ମଗ୍ରନ୍ଥମାନ ରହିଛି । ଯାହା ୧୯୫୯ ମସିହାରେ ତିବତ୍ ଠାରୁ ଭାରତ ଅଣାଯାଇଥିଲା। କିଛି ସମୟ ଏଠାରେ ବସିଲେ ମାନସିକ ଶାନ୍ତି ମିଳିଥାଏ।
ଏହି ସବୁ ସ୍ଥାନ ବ୍ୟତୀତ ପିସ୍ ପେଗୋଡ଼ା ମନ୍ଦିର, ତିସ୍ତା, ଟ୍ରେ ଟ୍ରେନ ଏଭଳି ବହୁ ସ୍ଥାନ ରହିଛି, ଯାହା ଭ୍ରମଣ ପାଇଁ ଉତ୍ତମ ସ୍ଥଳ ଭାବରେ ମାନ୍ୟତା ପାଇଛି।
ଗମନାଗମନ ଦୃଷ୍ଟିରୁ ଏଠାକାର ନିକଟତର ବିମାନବନ୍ଦର ବାଗଡ଼ୋଗରା। ଏଠାରୁ ଟ୍ୟାକ୍ସିରେ ସହଜରେ ଦାର୍ଜିଲିଙ୍ଗରେ ପହଞ୍ଚି ପାରିବେ।
ନିକଟତର ରେଳ ଷ୍ଟେସନ ନ୍ୟୁ – ଜଲପାଇଗୁଡ଼ୀ । ଏଠାରୁ ମଧ୍ୟ ବସ ଏବଂ ଟ୍ୟାକ୍ସିରେ ସହଜରେ ଦାର୍ଜିଲିଙ୍ଗ ଯାଇପାରିବେ।
