ଗୁରୁଡିଝାଟିଆ: ଗୁରୁଡିଝାଟିଆ ପୁଲିସ ଝୁଲନ୍ତା ଅବସ୍ଥାରେ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି । ଯୁବକଙ୍କ ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ଆଠଗଡ ଉପଖଣ୍ଡ ଚିକିତ୍ସାଳୟକୁ ପଠାଇଛି । ମୃତ ଯୁବକଙ୍କ ନାମ ରାଜୁ ସାମଲ (୩୫) ହୋଇଥିବା ବେଳେ ଘର ଚଣ୍ଡିଖୋଲ ଅଞ୍ଚଳର କଣ୍ଟାପଶି ଗାଁରେ ବୋଲି ଜଣାପଡ଼ିଛି । ଗତ ଦୁଇଦିନ ତଳେ ରାଜୁର ଶ୍ୱଶୁରଘର ଚୌଦ୍ୱାର ଥାନା ଅନ୍ତର୍ଗତ ପଦାଗାଁକୁ ଆସିଥିଲେ । ଗତକାଲି ଏକ ଗଛରେ ତାଙ୍କର ମୃତଦେହ ଝୁଲୁଥିବା ଅବସ୍ଥାରେ ପୁଲିସ ଜବତ କରିଛି । ପୁଲିସର ସୂଚନା ଅନୁଯାୟୀ ମୃତ ରାଜୁଙ୍କ ତାଙ୍କ ପତ୍ନୀଙ୍କ ସହ ଭଲ ସମ୍ପର୍କ ନଥିଲା । ସେଥିପାଇଁ ଭାରସାମ୍ୟ ହରାଇ ଆତ୍ମହତ୍ୟା କରିଥିବା ପୁଲିସ କହିଛି । ଗୁରୁଡିଝାଟିଆ ଥାନା ପକ୍ଷରୁ ୬/୨୦୨୨ ରେ ପଞ୍ଜୀକରଣ କରାଯାଇ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି ।
Comments are closed.