ନୂଆଦିଲ୍ଲୀ: ଘୋର ବିଜୁଳି ସଙ୍କଟ ଭିତରେ ଗତି କରୁଛନ୍ତି ପାକିସ୍ତାନବାସୀ । ପ୍ରତ୍ୟେକ ଦିନ ୮ରୁ ୧୨ ଘଣ୍ଟା ପାକିସ୍ତାନରେ ବିଜୁଳି କାଟ ହେଉଥିବା ଜଣାପଡ଼ିଛି । ବିଦ୍ୟୁତ ଯୋଗାଣ ବ୍ୟାହତ କାରଣରୁ ପାକିସ୍ତାନବାସୀ ବିଦ୍ୟୁତ୍ କାଟର ସମ୍ମୁଖିନ ହେଉଛନ୍ତି । ଲାହୋର, କ୍ୱେତା, ରାଓ୍ୱଲପିଣ୍ଡି, କରାଚି, ବାଦିନ, ପେଶଓ୍ୱାର, ମୁଲତାନ ପରି ଅନେକ ସହରରେ ବର୍ତ୍ତମାନ ବିଦ୍ୟୁତ୍ କାଟ ହେଉଛି । ସୂଚନା ଅନୁଯାୟୀ ନ୍ୟାସନାଲ ଗ୍ରୀଡରୁ ୩୦୦ ମେଗାଓ୍ୱାର୍ଟ ବିଦ୍ୟୁତ ଯୋଗାଣରେ ବ୍ୟାହତ ହେଉଥିବାରୁ ପାକିସ୍ତାନରେ ଏପରି ପରିସ୍ଥିତି ସୃଷ୍ଟି ହୋଇଛି । ଦେଶକୁ ୧୯ ହଜାର ମେଗାୱାଟ୍ ବିଦ୍ୟୁତ୍ ଆବଶ୍ୟକ ଥିବା ବେଳେ ମାତ୍ର ୧୭ ହଜାର ମେଗାଓ୍ୱାଟ୍ ବିଜୁଳି ଉତ୍ପନ୍ନ ହେଉଥିବା କହିଛି ପାକିସ୍ତାନ । ତେଣୁ ବର୍ତ୍ତମାନ ପାକିସ୍ତାନର ସହରାଞ୍ଚଳରେ ୮ରୁ ୯ ଘଣ୍ଟା ବିଦ୍ୟୁତ୍ କାଟ ହେଉଥିବା ବେଳ ଗ୍ରାମାଞ୍ଚଳରେ ୧୦ରୁ ୧୨ ଘଣ୍ଟା ବିଦ୍ୟୁତ୍ କାଟ ହେଉଛି ।
Comments are closed.