ରେଙ୍ଗାଲି: ରେଙ୍ଗାଲି ସ୍ଥିତ ହୋଟେଲ ସ୍ପାଇସି ର ସଭାଗୃହରେ ଆଜି ଆମ୍ ଆଦମୀ ପାର୍ଟି ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଯାଇଛି। ଆପର ସମ୍ବଲପୁର ଜିଲ୍ଲା ସଭାପତି ଲାଳମଣି ଲୁଗୁନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଜିଲ୍ଲାର ବିଭିନ୍ନ ପ୍ରାନ୍ତରୁ ପଚାଶରୁ ଉର୍ଦ୍ଧ୍ବ କର୍ମକର୍ତ୍ତା ଏହି ବୈଠକରେ ଯୋଗ ଦେଇଥିଲେ।
ଏଥିରେ ଜିଲ୍ଲାରେ ବିଦ୍ୟୁତ ସରବରାହର ବାସ୍ତବିକ ସ୍ଥିତି ନେଇ ତଥ୍ୟ ଉପସ୍ଥାପନ କରାଯାଇଥିଲା। ଆପର ଓଡିଆ ପ୍ରଦେଶ ମୁଖପାତ୍ର ରଙ୍ଗାଚରଣ ପ୍ରଧାନ ଏହି ବୈଠକରେ ଯୋଗ ଦେଇ ରାଜ୍ୟବାସୀଙ୍କୁ ୨୦୦ ୟୁନିଟ ଦେୟମୁକ୍ତ ବିଜୁଳି ଯୋଗାଇ ଦେବା ଦାବୀ ଏନେଇ ଆନ୍ଦୋଳନକୁ ଆଦମୀ ପାର୍ଟି ଆନ୍ଦୋଳନକୁ ଓହ୍ଲାଇଥିବା ବିଷୟରେ ଆଲୋକପାତ କରିଥିଲେ। ଏହି ଅବସରରେ ରେଙ୍ଗାଲି ବ୍ଲକର ୧୫ ନୂତନ ସଦସ୍ୟ ଆମ୍ ଆଦମୀ ପାର୍ଟିରେ ଯୋଗ ଦେଇଥିଲେ। ନୂତନ ସଦସ୍ୟଙ୍କୁ ଆପ୍ ପାର୍ଟିର ରେଙ୍ଗାଲି ଆବାହକ ମନୋରଞ୍ଜନ ସାହୁ, ଜିଲ୍ଲା ଉପ ସଭାପତି ଡେନିସ ଲୁଗୁନ, ଜିଲ୍ଲା ସମ୍ପାଦକ ପଦ୍ମା ମେହେର, ଜୁଯୁମୁରା ସଭାପତି ଲୁଲୁ ନାୟକ, ଆପ୍ ପାର୍ଟିର ଗଣମାଧ୍ୟମ ସଂଯୋଜକ ସୋମ୍ୟ ପ୍ରଧାନ, ଆପ ନେତା ପ୍ରଶାନ୍ତ ପଣ୍ଡା, ଯୁବ ଆପ ନେତା ନୀତିଶ ଅଗ୍ରୱାଲ ପାର୍ଟିର ଟୋପି ଏବଂ ଉତ୍ତରୀୟ ଦେଇ ସ୍ୱାଗତ କରିଥିଲେ।
