ବଡ଼ବିଲ : ବଡବିଲ ପୁଲିସ ବଡବିଲରୁ ପିଲେଟ(ଲୌହ ଗୋଲି) ଚୋରା ଚାଲଣ ହେଉଥିବା ସମୟରେ ଘଟଣା ସ୍ଥଳରେ ଚଢଉ କରି ୪୦ ମେଟ୍ରିକଟନ୍ ପିଲେଟ ସହ ଏକ ଟ୍ରକ ଏବଂ ବୋଲେରୋ ଜବତ କରିଛନ୍ତି। ଏହି ଘଟଣାରେ ସମୁଦାୟ ୮ ଜଣ ଆନ୍ତଃରାଜ୍ୟ ପିଲେଟ ମାଫିଆଙ୍କୁ ଗିରଫ କରାଯାଇଛି।
ଗୁରୁବାର ରାତିରେ ବଡବିଲ ଥାନା ଅଧିକାରୀ ଜଗନ୍ନାଥ ମଲ୍ଲିକ କୌଣସି ସୂତ୍ରରୁ ଖବର ପାଇ ମଧ୍ୟରାତ୍ରରେ ପେଟ୍ରୋଲିଂରେ ଥିବା ସବ୍ ଇନ୍ସପେକ୍ଟର ସୌରଭ ସାମଲଙ୍କୁ ପିଲେଟ ଚୋରା ଚାଲାଣକୁ ନେଇ ସୂଚନା ଦେଇଥିଲେ। ସୂଚନାପାଇ ସୌରଭ ସାମଲଙ୍କ ସହିତ ଏକ ପୁଲିସ ଦଳ ଭଦ୍ରାସାହି ନିକଟସ୍ଥ ରୋଇଡା ଜଙ୍ଗଲରେ ଗଚ୍ଛିତ ପିଲେଟ ଠାବ କରିଥିଲେ। ସେହି ସ୍ଥାନରେ ପୁଲିସ ଦଳ ଚଢଉକରି ୪୦ ମେଟ୍ରିକଟନ୍ ପିଲେଟ ସହ ଏକ ବୋଲେରୋ ଗାଡି ଏବଂ ଏହି ଚୋରା ଚାଲାଣରେ ସଂପୃକ୍ତ ମୟୁରଭଞ୍ଜ ଜିଲା ଯଶୀପୁରର ଆସିଫ ଆନସାରୀ, ବାଦାମପାହାଡର ପ୍ରବୀର ଗିରି,
ଝାଡଖଣ୍ଡ ପ୍ରଦେଶର ହଜାରିବାଗର ସଞ୍ଜୟ କୁମାର ସାହା, ଚାଣ୍ଡିଲର ମୁକେଶ ସହଗଲ, ଟାଟାନଗର ଅଂଚଳର ସଞ୍ଜୟ କୁମାର ପ୍ରସାଦ, ଜୟଦେବ ଗିରି, ଅନୁପ ରାଜ୍ ଏବଂ ଗୟାର ଅଖିଲେଶ କୁମାର ପ୍ରମୁଖଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବଡବିଲ ଥାନାଅଧିକାରୀ ଜଗନ୍ନାଥ ମଲ୍ଲିକ ସୂଚନା ଦେଇଛନ୍ତି। ତେବେ ଏହି ପିଲେଟ କିଭଳି ଏହି ସ୍ଥାନକୁ ଆସିଛି ସେଥିନେଇ କିଛି ସ୍ପଷ୍ଟ ହୋଇ ନଥିବା ଜଣା ପଡିଛି। ତେବେ ଏହି ଚୋରା ଚାଲାଣରେ ସଂପୃକ୍ତ ମୁଖ୍ୟ ଅଭିଯୁକ୍ତ ଫେରାର ହୋଇଥିବା ଥାନାଅଧିକାରୀ ସୂଚନା ଦେବା ସହିତ ମୁଖ୍ୟ ଅଭିଯୁକ୍ତ ଧରାପଡିଲେ ଏ ସମସ୍ତ ତଥ୍ୟ ପଦାକୁ ଆସିବ ବୋଲି କହିଛନ୍ତି।
୮ ଗିରଫ, ୪୦ ମେଟ୍ରିକ ଟନ୍ ପିଲେଟ, ଗାଡ଼ି ଜବତ
Popular Categories
Previous article
Next article