ରେଙ୍ଗାଲି -ରେଙ୍ଗାଲି ବ୍ଳକ୍ ର କତରବଗା ଗ୍ରାମ ରେ ଗତ ୪ ତାରିଖ ରୁ ଆରମ୍ଭ ହୋଇଥିବା ନବନିର୍ମିତ କପିଳେଶ୍ୱର ମହାଦେବ ମନ୍ଦିର ର ପ୍ରତିଷ୍ଠା ଉତ୍ସବ ଆଜି ଉଦ୍ଯାପିତ ହୋଇଯାଇଛି । ଗ୍ରାମବାସୀ ଏବଂ ଆଦିତ୍ୟ ଆଲୁମିନା ର ସହାଯ୍ୟ ଏବଂ ସହଯୋଗ ରେ ନିର୍ମିତ ମନ୍ଦିର ପ୍ରତିଷ୍ଠା ଉପଲକ୍ଷେ ପ୍ରତିଦିନ ଭଜନ, ଏବଂ ବିଭିନ୍ନ ପ୍ରକାର ସାଂସ୍କୃତିକ ତଥା ମନୋରଞ୍ଜନ କାର୍ଯୟକ୍ରମ ଆୟୋଜିତ ହୋଇଥିଲା । ୪ତାରିଖ ସୋମବାର କୁମ୍ଭ ପ୍ରତିଷ୍ଠା ପୂଜା ଆୟୋଜିତ ହୋଇଥିବା ବେଳେ ୫ ତାରିଖ ମଙ୍ଗଳବାର ଦିନ ଦେବମଣ୍ଡଳ,ବୁଧବାର ଦିନ କଳସଯାତ୍ରା ଏବଂ ଅଧିବାସ । ଗୁରୁବାର ଦେବତା ଆବାହନ ଏବଂ ମଣ୍ଡଳ ପୂଜା । ଶୁକ୍ରବାର ସୂର୍ଯ୍ୟ ପୂଜା ଏବଂ ଦେଉଲ ପ୍ରତିଷ୍ଠା । ଶନିବାର ମହାସ୍ନାନ,ଜଳାଧିବାସ ଏବଂ ଅଭିଷେକ । ରବିବାର ଷୋଢଶ ଉପଚାର ପୂଜା ଏବଂ ସିଂହାରବେଶ ପୂଜା । ସୋମବାର ଦିନ ପୂର୍ଣାହୂତି ଏବଂ ଘଟ ବିସର୍ଜନ ବିଧି ସମ୍ପନ୍ନ ହୋଇଥିଲା । ମନ୍ଦିର ପ୍ରତିଷ୍ଠା ମହୋତ୍ସବ ରେ ଶ୍ରଦ୍ଧାଲୁ ଭକ୍ତ ଙ୍କ ପ୍ରବଳ ଗହଲି ଲାଗି ରହିଥିଲା ।
ବଦ୍ରି ନାରାୟଣ ଶତପଥୀ,ବଳରାମ ସାହୁ ମନୋଜ ବିଶ୍ୱାଳ, ଶ୍ରୀନିବାସ ସାହୁ,ପ୍ରଦୀପ ସାହୁ ପ୍ରମୁଖ ସପତ୍ନୀକ କର୍ତ୍ତା ଦାୟିତ୍ୱ ତୁଲାଇଥିବା ବେଳେ ଜନ୍ମାଜୟ ଶତପଥୀ, ଅମୀୟ ଶତପଥୀ,ବୀରେନ୍ ଦାସ ପୂଜକ ଦାୟିତ୍ୱ ତୁଲାଇଥିଲେ । କ୍ରିଷ୍ନା ବିଶ୍ୱାଲ ଓ ଦିଲ୍ଲପ ଶତପଥୀ ପୂଜା କାର୍ଯ୍ୟ ରେ ସହଯୋଗ କରିଥିଲେ ।
Comments are closed.