ପାଟଣା: ଗୁରୁବାର ଗାଁ ସାଥି (ମେଟ) ସଙ୍ଘ ଦ୍ୱାରା ସ୍ୱାଗତ ଓ ଅଭ୍ୟର୍ଥନା ସଭା ଅନୁଷ୍ଠିତ। ଗୁରୁବାର ଗାଁ ସାଥି ସଙ୍ଘ ଜିଲ୍ଲା ସମ୍ପାଦକ ଅଜିତ କୁମାର ମହାନ୍ତଙ୍କ ଆବାହନ କ୍ରମେ ଚେମଣା ଗ୍ରାମ ପଂଚାୟତ ଗ୍ରାମ ସାଥି ସଙ୍ଘ ଦ୍ୱାରା ନବ ନିର୍ବାଚିତ ସରପଞ୍ଚ ହେମଲତା ନାଏକଙ୍କୁ ସ୍ୱାଗତ ଓ ସମ୍ବର୍ଦ୍ଧନା ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ପାଟଣା ବ୍ଲକ କନିଷ୍ଠ ଯନ୍ତ୍ରୀ ଅଜୟ କୁମାର ବେହେରା, ସମ୍ମାନିତ ଅତିଥି ଭାବେ ଚେମଣା ଗ୍ରାମ ପଞ୍ଚାୟତ ନିର୍ବାହୀ ଅଧିକାରୀ ସୁଶ୍ରୀ ଶୋଭାରାଣୀ ସେଠୀ ଓ ଗ୍ରାମ ରୋଜଗାର ସେବକ ହରେକୃଷ୍ଣ ମହାନ୍ତ ଯୋଗଦାନ କରି ନୂତନ ଆର୍ଥିକ ବର୍ଷ ୨୦୨୨-୨୩ ମସିହାରେ ଚେମଣା ଗ୍ରାମ ପଂଚାୟତ ମାଧ୍ୟମରେ ଗ୍ରାମ ସାଥିମାନଙ୍କ ଦ୍ୱାରା ମନରେଗା କାର୍ଯ୍ୟର ସୁପରିଚାଳନା ନିମନ୍ତେ ଦିଗଦର୍ଶନ ଦେଇଥିଲେ।
କାର୍ଯ୍ୟକ୍ରମରେ ଚେମଣା ଗ୍ରାମ ପଞ୍ଚାୟତ ଗାଁ ସାଥି ଉଦୟଭାନୁ ନାଏକ, ଗୋବିନ୍ଦ ଚନ୍ଦ୍ର ମହାନ୍ତ, ଦୂର୍ଯ୍ୟଧନ ମହାନ୍ତ, ପୂର୍ଣଚନ୍ଦ୍ର ମହାନ୍ତ, ଲକ୍ଷ୍ମୀଧର ମହାନ୍ତ ଓ ସ୍ୱେଚ୍ଛାସେବୀ କ୍ଷେତ୍ରବାସୀ ମହାନ୍ତ, ରବୀନ୍ଦ୍ର ମହାନ୍ତ, କେଶବ ମହାନ୍ତ, ସନାତନ ମହାନ୍ତ, ବୀଣା ନାଏକ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ରହି ଧନ୍ୟବାଦ ଅର୍ପଣ କରିଥିଲେ।
