ଠାକୁରମୁଣ୍ଡା : ଭାଲୁ ଆକ୍ରମଣରେ ଜଣେ ଯୁବକ ଗୁରୁତର । ଏପରି ଦୁଃଖଦ ଘଟଣା ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଲା ସୀମାନ୍ତ ଆନନ୍ଦପୁର ବ୍ଲକର ପଣସଡିହା ଗ୍ରାମପଞ୍ଚାୟତ ଅନ୍ତର୍ଗତ କୁଠଡିହା ଗ୍ରାମରୁ । ସେହି ଗ୍ରାମର ଲକ୍ଷ୍ମୀଧର ସାମାଡର ପୁଅ ଜୀବନ ସାମାଡ଼ (୪୮) ଆଜି ସକାଳୁ ସକାଳୁ ଶୌଚ ହେବାପାଇଁ ଗାଁ ପୋଖରୀ ନିକଟକୁ ଯାଇଥିବା ବେଳେ ଦୁଇଟି ଭାଲୁ ଆକ୍ରମଣ କରିବାରୁ ଗୁରୁତର ଆହତ ହୋଇ ଠାକୁରମୁଣ୍ଡା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି । ତାଙ୍କୁ ସେଠାରୁ ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସ ଯୋଗେ ମେଡିକାଲରେ ଭର୍ତି କରିଥିଲେ ସ୍ଥାନୀୟ ଲୋକେ। ଜୀବନର ଡ଼ାହାଣ ଗୋଡ ଜଙ୍ଘରେ ଗଭୀର କ୍ଷତ ହୋଇ ଥିବାରୁ ଡାକ୍ତର ତାଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି । ତେବେ ଆହତ ଜୀବନଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା ଜଣାଯାଇଛି । ସେହିପରି ଘଟଣା ସ୍ଥଳରେ ବନବିଭାଗ କର୍ମଚାରୀ ପହଞ୍ଚି ସ୍ଥିତି ଅନୁଧ୍ୟାନ କରିବା ସହିତ ଜୀବନଙ୍କ ଚିକିତ୍ସା କରାଇବା ପାଇଁ ଆନନ୍ଦପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଥିବା ଜଣାପଡିଛି।
Popular Categories
Previous article
Next article