ଗୁଡଭେଲା: ତୁଷୁରା ପୌରନିର୍ବାଚନ ଫଳାଫଳ ପ୍ରକାଶ ପାଇଛି । ଅଧ୍ୟକ୍ଷ ଆସନରେ ବିଜେଡି ଦଳ ପ୍ରାର୍ଥୀ ଅଜୟ ଜୟଶ୍ବାଲ ବିଜୟୀ ହୋଇଛନ୍ତି । ବିଜେପି ଦଳର ପ୍ରାର୍ଥୀ ରୁଣୁଗୋପାଳ ସାହୁ ୨୮୨୫ ଭୋଟ ପାଇଥିବା ବେଳେ ଅଜୟ ୩୬୫୧ ଭୋଟ ପାଇ ୮୨୬ ଭୋଟର ବ୍ୟବଧାନରେ ବିଜୟୀ ହୋଇଛନ୍ତି । ସେହିପରି କଂଗ୍ରେସ ଦଳର ପ୍ରାର୍ଥୀ ଅମରେଶ କେଡିଆ ୧୫୭ ଖଣ୍ଡ ଭୋଟ ପାଇ ତୃତୀୟ ସ୍ଥାନରେ ରହିଛନ୍ତି । ୫୫ ଖଣ୍ଡ ଭୋଟ ନୋଟାକୁ ଯାଇଥିବାରୁ ଚର୍ଚ୍ଚା ଜୋର ଧରିଛି ।
ସେହିପରି ୧୧ଟି ୱାର୍ଡ଼ କାଉନସିଲର୍ ଆସନରେ ବିଜେଡି ୭ ଓ ବିଜେପି ୪ଟି ଆସନ ଅକ୍ତିଆର କରିଥିବା ବେଳେ କଂଗ୍ରେସ ଖାତା ମଧ୍ୟ ଖୋଲି ନାହିଁ । ତୁଷୁରାରେ ପୌରପରିଷଦର ନୂତନ କାଉନସିଲର୍ ଭାବରେ ୱାର୍ଡ ନଂ ୧ (ବିଜେପି) ମୀତାଲୀ ସାହୁ, ୱାର୍ଡ ନଂ ୨ (ବିଜେଡ଼ି) ଶୁଷମା ସାହୁ, ୱାର୍ଡ ନଂ ୩ (ବିଜେଡି) ଗୋପାଳ ବାଗ୍, ୱାର୍ଡ ନଂ ୪ (ବିଜେଡି) ମିଥୁନ ସାହୁ, ୱାର୍ଡ ନଂ ୫ (ବିଜେଡି) ମାମୀ ଦାସ, ୱାର୍ଡ ନଂ ୬ (ବିଜେପି) ଗୀତାଞ୍ଜଳି ଦର୍ଜୀ, ୱାର୍ଡ ନଂ ୭ (ବିଜେଡି) ସବିତା ନାଗ, ୱାର୍ଡ ନଂ ୮ (ବିଜେଡି) ଡୁଲେଶ୍ଵରୀ ଭୋଇ, ୱାର୍ଡ ନଂ ୯ (ବିଜେପି)ଧିରେନ୍ଦ୍ର ମହାନନ୍ଦ, ୱାର୍ଡ ନଂ ୧୦ (ବିଜେପି) ବବିତା ସାହୁ, ୱାର୍ଡ ନଂ ୧୧ (ବିଜେଡି) ରିତା ପ୍ରଧାନୀ ବିଜୟୀ ହୋଇଛନ୍ତି ।
ଗତ ନିର୍ବାଚନରେ ବିଜେଡି ୮ଟି କାଉନସିଲର୍ ଆସନ ଅକ୍ତିଆର କରିଥିବା ବେଳେ ବିଜେପି ୨ ଟି ଓ ସ୍ବାଧୀନ ପ୍ରାର୍ଥୀ ୧ କାଉନସିଲର୍ ଆସନ ହାତେଇଥିଲେ । ହେଲେ ବିଜେପିର ୨ଟି ଗଡକୁ ବିଜେଡି ଅକ୍ତିଆର କରିଥିବା ବେଳେ ବିଜେଡିର ୪ଟି ଆସନ ବିଜେପି ହାତକୁ ଆସିଛି ।
Comments are closed.