ରେଙ୍ଗାଲିକେମ୍ପ୍: ଅତାବିରା ବ୍ଲକର ସରକାରୀ ଉଚ୍ଚ ବାଳିକା ବିଦ୍ୟାଳୟ ଓ ନୋଡାଲ ଉଚ୍ଚ ବିଦ୍ୟାଳୟରେ ଓଡିଶା ମାଧ୍ୟମିକ ଶିକ୍ଷା ବୋର୍ଡଙ୍କ ନିର୍ଦ୍ଦେଶ କ୍ରମେ ପଠାଣି ସାମନ୍ତ ମେଧା ଗଣିତ ପରୀକ୍ଷା ସମ୍ପନ୍ନ ହୋଇ ଯାଇଛି। ଏଥିରେ ଷଷ୍ଠ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଷ୍ଟେଜ-୧ ଓ ନବମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଷ୍ଟେଜ-୨ ପରୀକ୍ଷା କରାଯାଇଥିଲା। ଏହି ଦୁଇ କେନ୍ଦ୍ର ମଧ୍ୟରୁ ବାଳିକା ଉଚ୍ଚ ବିଦ୍ୟାଳୟରେ ଷ୍ଟେଜ ୧ରେ ୧୧୬ ଜଣ ଓ ଷ୍ଟେଜ ୨ରେ ୫୧ ଜଣ ଛାତ୍ର ଛାତ୍ରୀ ପରୀକ୍ଷା ଦେଇଥିବା ବେଳେ ନୋଡାଲ ଉଚ୍ଚ ବିଦ୍ୟାଳୟରେ ଷ୍ଟେଜ ୧ରେ ୯୯ ଜଣ ଓ ଷ୍ଟେଜ ୨ରେ ୬୪ ଜଣ ଛାତ୍ର ଛାତ୍ରୀ ପରୀକ୍ଷା ଦେଇଥିଲେ। ସକାଳ ୯ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ପରୀକ୍ଷା ହୋଇଥିଲା। ସରକାରୀ ବାଳିକା ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷୟିତ୍ରୀ ସୁରେନ୍ଦ୍ର ବେହେରା ଅଧିକ୍ଷକ ଓ ଡେପୁଟି ଭାବରେ ବିଦ୍ୟୁତ୍ ପ୍ରଭା ମିଶ୍ର ଏବଂ ନୋଡାଲ ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ମନୋଜ ହରପାଲ୍ ଅଧିକ୍ଷକ ଓ ସୁପ୍ରଭା ସାହୁ ଡେପୁଟି ଦାୟିତ୍ଵ ତୁଲାଇ ଥିଲେ। ଉଭୟ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ।
Popular Categories
Previous article
Next article