କଟକ ଛତ୍ର ବଜାରରେ ଭୁଶୁଡିଲା ପୋଲ – ଉଦ୍ଧାର କାର୍ଯ୍ୟ ଜାରୀ
କଟକ ଛତ୍ର ବଜାର ନିକଟରେ ଥିବା ପୁରୁଣା ପୋଲଟି ସନ୍ଧ୍ୟା ସମୟରେ ଭୁଶୁଡି ପଡିଛି। ଏହାତଳେ ଦବି ଥିବା ଜଣେ ବ୍ୟକ୍ତିଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ପଠାଯାଇଛି । ଏଥିରେ ଦୁଇ ଜଣଙ୍କର ମୃତ୍ୟୁ ହୋଇଥିବା ପ୍ରାଥମିକ ସୂଚନା ମିଳିଛି । ତାଳଦଣ୍ଡ କେନାଲ ପୁନରଉଦ୍ଧାର ସହ ରାସ୍ତା ଚୌଡା ଏବଂ ପୋଲର ପାର୍ଶ୍ୱ ପାଚେରୀ ମରାମତି ପାଇଁ ଖୋଳାଯାଉଥିଲା ।
- Advertisement -
ଏହି ସମୟରେ ପୋଲଟିର ଏକଅଂଶ ଭୁଶୁଡି ପଡିଥିଲା । ଫଳରେ କାମ କରୁଥିବା ଶ୍ରମିକ ଚାପି ହୋଇଯାଇଥିଲେ । ମୃତକମାନେ ଶ୍ରମିକ ହୋଇଥିବା ସୂଚନା ମିଳିଛି ।
ଆଉକିଏ କାଳେ ଚାପି ହୋଇଥିବେ ସେଥିପାଇଁ ଉଦ୍ଧାର କାର୍ଯ୍ୟ ଜାରି ରହିଥିବା ଡିସିପି ପ୍ରତୀକ ସିଂହଙ୍କ ସୂଚନା ଦେଇଛନ୍ତି । ଏହି କାମ ସମୟରେ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇ ନଥିବା ଛତ୍ର ବଜାରର ବ୍ୟବସାୟୀ ସଂଘ ଅଭିଯୋଗ କରିଛନ୍ତି ।
ଜିଲ୍ଲାପାଳ ଏହାର ତଦନ୍ତ ନିର୍ଦେଶ ଦେଇଛନ୍ତି ।
